ദീപാവലി; വിൽപ്പനക്കാർക്ക് ലോട്ടറി, എഫ്എംസിജി ഉൽപ്പന്നങ്ങളുടെ ഡിമാന്ഡില് വന് കുതിപ്പ്
ഡയറി, ഹോം കെയര്, മിഠായി തുടങ്ങിയ ഉൽപ്പന്നങ്ങൾക്കാണ് ഡിമാന്ഡ് ഉയർന്നിരിക്കുന്നത്
ദീപാവലിയോടനുബന്ധിച്ച് എഫ്എംസിജി മേഖലയിലെ ഡിമാന്ഡില് ഗണ്യമായ വര്ധനവ്. ഡയറി, ഹോം കെയര്, മിഠായി തുടങ്ങിയ വിഭാഗങ്ങളിലാണ് ഡിമാൻഡ് ഉയരുന്നതെന്നാണ് റിപ്പോര്ട്ട്. റീട്ടെയില് ഇന്റലിജന്സ് പ്ലാറ്റ്ഫോമായ ബിസോമിന്റെ കണക്കനുസരിച്ച്, ഈ ഉത്സവ സീസണില് എഫ്എംസിജി വില്പ്പനയില് 4.4ശതമാനമാണ് വര്ധന.പാലുല്പ്പന്ന വില്പ്പന ഏകദേശം 38% വര്ദ്ധിച്ചു. മിഠായി വില്പ്പന 16.5% വര്ദ്ധിച്ചു. ഗിഫ്റ്റിംഗ് ബോക്സുകളുടെയും ഹോം കെയര് ഉല്പ്പന്നങ്ങളുടെയും ഡിമാന്ഡ് 12% വര്ധിച്ചു.
എഫ്എംസിജി വില്പ്പനയിലെ വളര്ച്ചയ്ക്ക് കാരണം പുതിയ ഷോപ്പിംഗ് പ്രവണതകളാണ്. ദീപാവലി ഷോപ്പര്മാരില് 82% പേരും ഷോപ്പിങ് മുന്കൂട്ടി ആസൂത്രണം ചെയ്യുന്നു. സര്ക്കാരിന്റെ നികുതി ഇളവുകളും ജിഎസ്ടി വെട്ടിക്കുറവും സാധനവില കൂടുതല് താങ്ങാനാവുന്നതാക്കി. ഇത് ഡിമാന്ഡ് കുതിച്ചുയരുന്നതിന് കാരണമായി.
കൂടാതെ വില്പ്പന വര്ദ്ധിപ്പിക്കുന്നതില് ഇ-കൊമേഴ്സ് പ്ലാറ്റ്ഫോമുകള് ഒരു പ്രധാന പങ്ക് വഹിക്കുന്നു. ആമസോണ്, ഫ്ളിപ്കാര്ട്ട് പോലുള്ള പ്രധാന കമ്പനികള് വിവിധ വിഭാഗങ്ങളില് ഗണ്യമായ കിഴിവുകളാണ് വാഗ്ദാനം ചെയ്യുന്നത്.
ഉത്സവ സീസണ് ഇന്ത്യയുടെ സമ്പദ് വ്യവസ്ഥയെ ഉത്തേജിപ്പിക്കുമെന്ന് പ്രതീക്ഷിക്കുന്നു. ഉപഭോക്തൃ ചെലവ് 4.75 ലക്ഷം കോടി എത്തുമെന്ന് പ്രതീക്ഷിക്കുന്നു. എഫ്എംസിജി മേഖലയുടെ വളര്ച്ച രാജ്യത്തിന്റെ സാമ്പത്തിക വളര്ച്ചയ്ക്കും സഹായകരമാണ്. വര്ധിച്ചുവരുന്ന ഉപഭോക്തൃ ആവശ്യകതയും അനുകൂലമായ സര്ക്കാര് നയങ്ങളും ഇതിന് കാരണമാണ്. ഉത്സവ സീസണ് മുന് റെക്കോര്ഡുകള് മറികടക്കുമെന്നാണ് പ്രതീക്ഷ. ദീപാവലിക്ക് ശേഷമുള്ള വളര്ച്ചയെക്കുറിച്ച് ബിസിനസുകളും ശുഭാപ്തിവിശ്വാസം പുലര്ത്തുന്നു.