ഹോട്ടലുകളും റെസ്റ്റോറന്റുകളും സര്വീസ് ചാര്ജ് ഈടാക്കുന്നതിന് വിലക്ക്
ഡെല്ഹി: ഉപഭോക്തൃ പരാതികള് ഉയരുന്ന സാഹചര്യത്തില്, റസ്റ്റോറന്റുകളും ഹോട്ടലുകളും ഉപഭോക്താവിന്റെ സമ്മതമില്ലാതെ ബില്ലില് സര്വീസ് ചാര്ജ് ചേര്ക്കുന്നത് കേന്ദ്ര ഉപഭോക്തൃ സംരക്ഷണ അതോറിറ്റി (Central Consumer Protection Authority) വിലക്കി. സര്വീസ് ചാര്ജ് എന്ന പേരില് നിര്ബന്ധപൂര്വം പണം ഈടാക്കിയാല് ജില്ലാ കലക്ടര്ക്കോ ദേശീയ ഉപഭോക്തൃ ഹെല്പ്ലൈനിലോ പരാതി നല്കാമെന്നു കേന്ദ്രം വ്യക്തമാക്കി. സര്വീസ് ചാര്ജ് ഈടാക്കുന്നതുമായി ബന്ധപ്പെട്ട് അന്യായമായ വ്യാപാര സമ്പ്രദായങ്ങളും ഉപഭോക്തൃ അവകാശങ്ങളുടെ ലംഘനവും തടയുന്നതിനുള്ള മാര്ഗ്ഗനിര്ദ്ദേശങ്ങള് സിസിപിഎ പുറപ്പെടുവിച്ചിട്ടുണ്ട്. ഭക്ഷണ ബില്ലില് 10 […]
ഡെല്ഹി: ഉപഭോക്തൃ പരാതികള് ഉയരുന്ന സാഹചര്യത്തില്, റസ്റ്റോറന്റുകളും ഹോട്ടലുകളും ഉപഭോക്താവിന്റെ സമ്മതമില്ലാതെ ബില്ലില് സര്വീസ് ചാര്ജ് ചേര്ക്കുന്നത് കേന്ദ്ര ഉപഭോക്തൃ സംരക്ഷണ അതോറിറ്റി (Central Consumer Protection Authority) വിലക്കി. സര്വീസ് ചാര്ജ് എന്ന പേരില് നിര്ബന്ധപൂര്വം പണം ഈടാക്കിയാല് ജില്ലാ കലക്ടര്ക്കോ ദേശീയ ഉപഭോക്തൃ ഹെല്പ്ലൈനിലോ പരാതി നല്കാമെന്നു കേന്ദ്രം വ്യക്തമാക്കി. സര്വീസ് ചാര്ജ് ഈടാക്കുന്നതുമായി ബന്ധപ്പെട്ട് അന്യായമായ വ്യാപാര സമ്പ്രദായങ്ങളും ഉപഭോക്തൃ അവകാശങ്ങളുടെ ലംഘനവും തടയുന്നതിനുള്ള മാര്ഗ്ഗനിര്ദ്ദേശങ്ങള് സിസിപിഎ പുറപ്പെടുവിച്ചിട്ടുണ്ട്.
ഭക്ഷണ ബില്ലില് 10 ശതമാനം സര്വീസ് ചാര്ജാണ് റെസ്റ്റോറന്റുകളും ഹോട്ടലുകളും സാധാരണയായി ഈടാക്കുന്നത്. മറ്റേതെങ്കിലും പേരില് സര്വീസ് ചാര്ജ് ഈടാക്കാന് പാടില്ലെന്നാണ് മാര്ഗനിര്ദേശങ്ങളില് പറയുന്നത്. ഹോട്ടല് നല്കുന്ന മിനിമം സേവനങ്ങള്ക്കപ്പുറം ആതിഥേയത്വത്തിന് ഉപഭോക്താവ് ടിപ് നല്കണോ വേണ്ടയോ എന്നത് ഉപഭോക്താവിന്റെ വിവേചനാധികാരമാണ്. ഭക്ഷണത്തിന്റെ ഗുണനിലവാരവും സര്വീസും വിലയിരുത്തി ടിപ് നല്കണോ വേണ്ടയോ എന്ന് ഉപഭോക്താവിന് തീരുമാനിക്കാം. സര്വീസ് ചാര്ജിന്റെ പേരില് ഹോട്ടലില് പ്രവേശനം നിയന്ത്രിക്കുന്നതു ചട്ടലംഘനമാണ്.
മാര്ഗ്ഗനിര്ദ്ദേശങ്ങള് ലംഘിച്ച് ഒരു ഹോട്ടലോ റെസ്റ്റോറന്റോ സര്വീസ് ചാര്ജ് ഈടാക്കുന്നതായി കണ്ടെത്തുകയാണെങ്കില്, ബില് തുകയില് നിന്ന് അത് നീക്കം ചെയ്യാന് ബന്ധപ്പെട്ട സ്ഥാപനത്തോട് ഉപഭോക്താവിന് ആവശ്യപ്പെടാം. സര്വീസ് ചാര്ജ് ഈടാക്കിയാല് സര്വീസ് ചാര്ജ് ബില്ലില്നിന്ന് ഒഴിവാക്കാന് ജീവനക്കാരോട് ഉപഭോക്താവിന് ആവശ്യപ്പെടാം. അല്ലെങ്കില് 1915 എന്ന ദേശീയ ഉപഭോക്തൃ ഹെല്പ്ലൈന് നമ്പറിലോ മൊബൈല് ആപ് വഴിയോ (National Consumer Helpline) www.edaakhil.nic.in എന്ന വെബ്സൈറ്റ് വഴിയോ പരാതിപ്പെടാം. ഇമെയിലായി പരാതി നല്കാന്: com-ccpa@nic.in. എന്ന് ഇമെയില് ഐഡി ഉപയോഗിക്കാം. ആവശ്യമെങ്കില് ജില്ലാ കലക്ടര്ക്കും പരാതി നല്കാം.