വരുമാനം കണക്കാക്കാൻ ഇൻഫ്ലേഷൻ അഡ്ജസ്റ്റഡ് റിട്ടേൺ

സമ്പദ്ഘടനയിലെ പണപ്പെരുപ്പത്തിന്റെ തോത് കണക്കിലെടുത്തുകൊണ്ട് ഒരു
നിക്ഷേപത്തില്‍ നിന്നുള്ള വരുമാനം കണക്കാക്കുന്നതിനെയാണ് ഇൻഫ്ലേഷൻ അഡ്ജസ്റ്റഡ് റിട്ടേൺ എന്നു വിളിക്കുന്നത്. ഇതിനെ റിയല്‍ റിട്ടേണ്‍ (real return) എന്നും വിളിക്കുന്നു.

ഉദാഹരണമായി, 5 വര്‍ഷ നിക്ഷേപത്തില്‍ നിന്നുള്ള വരുമാനം കണക്കാക്കുമ്പോള്‍ ആ കാലയളവില്‍ ഉണ്ടായേക്കാവുന്ന പണപ്പെരുപ്പത്തിന്റെ തോതും (inflation) കണക്കിലെടുക്കണം. ഒരു നിക്ഷേപത്തില്‍ നിന്നുള്ള യഥാര്‍ത്ഥ വരുമാന വളര്‍ച്ച (true earnings growth) മനസിലാക്കണമെങ്കില്‍ ആ കാലയളവിലുണ്ടായിട്ടുള്ള പണപ്പെരുപ്പത്തെ മൊത്തം വളര്‍ച്ചാനിരക്കില്‍ നിന്നു കുറയ്ക്കണം.

രാജ്യങ്ങളില്‍ നിന്നുള്ള വരുമാന വളര്‍ച്ചാനിരക്കിനെ താരതമ്യപ്പെടുത്താന്‍
ഇൻഫ്ലേഷൻ അഡ്ജസ്റ്റഡ് റിട്ടേൺ സഹായകരമാണ്. ഉദാഹരണമായി, ഇന്ത്യയിലെ ഒരു ക്ഷേപം 12% വളര്‍ച്ച രേഖപ്പെടുത്തിയെന്ന് വിചാരിക്കുക. ഇതില്‍ പണപ്പെരുപ്പത്തിന്റെ അളവ് 6% ആണെങ്കില്‍ ബാക്കി 6% ആയിരിക്കും യഥാര്‍ത്ഥ നിക്ഷേപ വളര്‍ച്ച. ചൈനയില്‍ 15% വരുമാന വളര്‍ച്ച രേഖപ്പെടുത്തിയെന്നിരിക്കട്ടെ. ഇതില്‍ പണപ്പെരുപ്പം 5% ആണെങ്കില്‍ ബാക്കിയുള്ള 10% ആയിരിക്കും യഥാര്‍ത്ഥ നിക്ഷേപ വളര്‍ച്ച.