സൂര്യ റോഷ്‌നിയുടെ അറ്റാദായം 41% വർദ്ധിച്ചു

2022 സാമ്പത്തിക വർഷത്തിലെ മാർച്ച് പാദത്തിൽ അറ്റാദായം 41 ശതമാനം വർദ്ധിച്ച സൂര്യ റോഷ്‌നി. ഇതോടെ കമ്പനിയുടെ ഓഹരിക്ക് 12 .96 ശതമാനം വർധനവാണ് വിപണിയിൽ ഉണ്ടായത്. നാലാം പാദത്തിൽ കമ്പനിയുടെ നികുതിക്ക് ശേഷമുള്ള ലാഭം 83 കോടി രൂപയായി. കഴിഞ്ഞ വര്ഷം ഇതേ പാദത്തിൽ ഇത് 58 കോടി രൂപയായിരുന്നു. മൊത്ത വരുമാനം 34 ശതമാനം ഉയർന്നു 2301 കോടി രൂപയായി. എബിറ്റെട വർധിച്ചു 27 ശതമാനമായി. ഇന്പുട് ചിലവിൽ കുത്തനെയുള്ള വിലക്കയറ്റം ഉണ്ടായില്ലായിരുന്നുവെങ്കിൽ കമ്പനിയുടെ ലാഭം കുറച്ചു കൂടെ ഉയർത്താനാകുമായിരുന്നുവെന്നും ഉയർന്ന ഇൻപുട്ട് ചെലവുകൾ ഭാഗികമായി ലഘൂകരിക്കുന്നതിന് ഒന്നിലധികം വിലവർദ്ധനവ് മുൻകൂർ എടുത്തിരുന്നുവെന്നും കമ്പനി അറിയിച്ചു.