എൻഎസ്എആർനെ സെബി വിലക്കി, നിക്ഷേപകർക്ക് പണം തിരികെ നൽകണം

നാഷണൽ സ്റ്റോക്ക് അഡൈ്വസറി റിസർച്ചിനെയും അതിന്റെ പ്രൊപ്രൈറ്റർ നീരജ് എസ് ലോധിയെയും വെള്ളിയാഴ്ച സെബി മൂന്ന് വർഷത്തേക്ക് വിലക്കുകയും അനധികൃത നിക്ഷേപ ഉപദേശക സേവനങ്ങൾ വഴി ശേഖരിച്ച പണം തിരികെ നൽകാൻ നിർദ്ദേശിക്കുകയും ചെയ്തു.

നാഷണൽ സ്റ്റോക്ക് അഡൈ്വസറി റിസർച്ചും (എൻഎസ്എആർ) ലോധിയും ചെറുകിട നിക്ഷേപകരിൽ നിന്ന് പണം വാങ്ങി, തെറ്റായ ട്രേഡിംഗ് വിവരങ്ങൾ നൽകുന്നുവെന്ന പരാതി ലഭിച്ചതിനെ തുടർന്നാണ് വിലക്ക്.

പരാതിയുടെ അടിസ്ഥാനത്തിൽ, സെബി ഒരു പരിശോധന നടത്തുകയും തുടർന്ന് 2021 ഫെബ്രുവരി 01 ലെ ഇടക്കാല ഉത്തരവും കാരണം കാണിക്കൽ നോട്ടീസും പുറപ്പെടുവിക്കുകയും ചെയ്തിരുന്നു. ഇവർ തങ്ങളുടെ ഇടപാടുകാരുടെ പരിഗണനയ്ക്കായി നിക്ഷേപ ഉപദേശം നൽകുകയും നിക്ഷേപ ഉപദേശകരായി പ്രവർത്തിക്കുകയും ചെയ്യുന്ന ബിസിനസ്സിൽ ഏർപ്പെട്ടിരിക്കുന്നതായി റെഗുലേറ്റർ കണ്ടെത്തി.

ഇൻവെസ്റ്റ്‌മെന്റ് അഡ്വൈസേഴ്‌സ് (ഐഎ) മാനദണ്ഡങ്ങളുടെ ലംഘനമാണെന്നും അതിൽ നിന്ന് റെഗുലേറ്ററി അംഗീകാരം നേടാതെയാണ് അവർ ഇത്തരം നിക്ഷേപ ഉപദേശക സേവനങ്ങളിൽ ഏർപ്പെട്ടതെന്നും സെബി ഉത്തരവിൽ പറഞ്ഞു.

രജിസ്റ്റർ ചെയ്യാത്ത ഉപദേശക സേവനങ്ങളിലൂടെ 2017 ഏപ്രിലിനും 2020 നവംബറിനുമിടയിൽ അവർക്ക് മൊത്തം 21.82 ലക്ഷം രൂപ ലഭിച്ചിട്ടുണ്ട്.രജിസ്റ്റർ ചെയ്യാത്ത നിക്ഷേപ ഉപദേശക പ്രവർത്തനങ്ങളുടെ പേരിൽ നിക്ഷേപകരിൽ നിന്ന് ഫീസായി സ്വീകരിച്ച പണം മൂന്ന് മാസത്തിനകം തിരികെ നൽകണമെന്ന് സെബി ഉത്തരവിൽ നിർദ്ദേശിച്ചിട്ടുണ്ട്.

ഈ ഓർഡറിന്റെ തീയതി മുതൽ നിക്ഷേപകർക്ക് റീഫണ്ട് പൂർത്തിയാക്കുന്ന തീയതി വരെ, മൂന്ന് വർഷത്തേക്ക് ഏതെങ്കിലും വിധത്തിൽ നേരിട്ടോ അല്ലാതെയോ സെക്യൂരിറ്റീസ് മാർക്കറ്റുകളിൽ പ്രവേശിക്കുന്നതിൽ നിന്നും ഇടപാടുകളിൽ നിന്നും അവരെ വിലക്കിയിട്ടുണ്ട്.

കൂടാതെ, റീഫണ്ടുകൾ നടത്തുക എന്ന ഒറ്റ ലക്ഷ്യത്തിനല്ലാതെ അവരുടെ സ്വത്തുക്കൾ, സെക്യൂരിറ്റികൾ, മ്യൂച്വൽ ഫണ്ടുകൾ എന്നിവ വിൽക്കുന്നതിൽ നിന്നും അവരെ തടഞ്ഞിരി