ആസിയാന്‍ വ്യാപാര ഉടമ്പടി ഇന്ത്യ അവലോകനം ചെയ്യുന്നു

ആസിയാന്‍ രാജ്യങ്ങളുമായുള്ള വ്യാപാര കരാറിന്റെ സമഗ്രമായ അവലോകനം ഇന്ത്യ ആരംഭിച്ചതായി റിപ്പോര്‍ട്ട്. ആഭ്യന്തര ഉല്‍പ്പാദനത്തെ ദുര്‍ബലപ്പെടുത്തിയ നിരവധി അപാകതകള്‍ പരിഹരിക്കാനാണ് ഈ അവലോകനം ലക്ഷ്യമിടുന്നതെന്നാണ് സൂചന.

ഇറക്കുമതി തീരുവകളിലെ പൊരുത്തക്കേടുകള്‍, ഉത്ഭവ നിയമങ്ങള്‍, താരിഫ് ഇതര തടസ്സങ്ങള്‍ എന്നിവ സൂക്ഷ്മമായി പരിശോധിക്കും. പ്രാദേശിക നിര്‍മ്മാതാക്കളെ പ്രതികൂലമായി ബാധിക്കുന്ന ഒരു വിപരീത ഡ്യൂട്ടി ഘടനയില്‍ നിന്ന് കഷ്ടപ്പെടുന്ന ഉല്‍പ്പന്നങ്ങള്‍ കൃത്യമായി കണ്ടെത്തുന്നതിന് വാണിജ്യ വ്യവസായ മന്ത്രാലയം വ്യവസായത്തില്‍ നിന്ന് ഇന്‍പുട്ട് ആവശ്യപ്പെട്ടിട്ടുണ്ട്.

2010-ല്‍ പ്രാബല്യത്തില്‍ വന്ന ഉടമ്പടിയുടെ നിലവിലുള്ള അവലോകനം അടുത്ത വര്‍ഷം അവസാനിക്കും.

റിപ്പോര്‍ട്ട് അനുസരിച്ച് ഒരു റൗണ്ട് ചര്‍ച്ചകള്‍ നടന്നുകഴിഞ്ഞു. ഇരുപക്ഷത്തിനും വ്യത്യസ്തമായ പ്രതീക്ഷകളുണ്ട്. ആഴത്തിലുള്ള വ്യാപാരം തന്നെയാണ് ആത്യന്തികമായ ലക്ഷ്യം.

ആസിയാന്‍വ്യാപാരം 2021-22-ലെ 25.8 ബില്യണ്‍ ഡോളറില്‍ നിന്നും 2023 സാമ്പത്തിക വര്‍ഷത്തില്‍ 43.6 ബില്യണ്‍ ഡോളറായി ഉയര്‍ന്നു. ഇവിടെ ഇന്ത്യയുടെ വ്യാപാര കമ്മി വര്‍ധിച്ചു. കരാര്‍ നല്‍കുന്ന ഡ്യൂട്ടി ആനുകൂല്യങ്ങള്‍ പ്രയോജനപ്പെടുത്തുന്നതിന് മൂന്നാം രാജ്യങ്ങള്‍ തങ്ങളുടെ കയറ്റുമതി ആസിയാന്‍ അംഗങ്ങള്‍ വഴി മാറ്റുന്ന പ്രവണത ന്യൂഡല്‍ഹിയെ അസ്വസ്ഥമാക്കുന്നു.

ഫെറോ അലോയ്കള്‍, അലുമിനിയം, കോപ്പര്‍ പൈപ്പുകള്‍, ട്യൂബുകള്‍, ടെക്സ്‌റ്റൈല്‍ സ്റ്റേപ്പിള്‍ ഫൈബറുകള്‍ തുടങ്ങിയ പ്രത്യേക ഉല്‍പന്നങ്ങളിലെ വിപരീത ഡ്യൂട്ടി ഘടന കാരണം ഇന്ത്യന്‍ വ്യവസായം ഒരു പോരായ്മ നേരിടുന്നതായി ഇക്കണോമിക് ടൈംസ് റിപ്പോര്‍ട്ട് ചെയ്തു. സ്വതന്ത്ര വ്യാപാര കരാറുകളിലെ വിപരീത ഡ്യൂട്ടി ഘടനകള്‍ വിലയിരുത്തേണ്ടത് ആവശ്യമാണെന്ന് ഫെഡറേഷന്‍ ഓഫ് ഇന്ത്യന്‍ എക്സ്പോര്‍ട്ട് ഓര്‍ഗനൈസേഷന്റെ ഡയറക്ടര്‍ ജനറല്‍ അജയ് സഹായ് പറഞ്ഞു.

കരാര്‍ പ്രകാരം 75 ശതമാനം സാധനങ്ങളുടെ തീരുവ ഒഴിവാക്കാനും 15 ശതമാനം സാധനങ്ങളുടെ താരിഫ് കുറയ്ക്കാനും ഇരുപക്ഷവും സമ്മതിച്ചെങ്കിലും 10 ആസിയാന്‍ രാജ്യങ്ങള്‍ വ്യത്യസ്ത താരിഫ് ഒഴിവാക്കല്‍ പ്രതിജ്ഞാബദ്ധതകള്‍ നടത്തിയതായും റിപ്പോര്‍ട്ടുണ്ട്.