ഐടി ഓഹരികൾ തിളങ്ങി; ഇന്ത്യൻ വിപണിയിൽ മുന്നേറ്റം

ഐടി ഓഹരികളിലെ മുന്നേറ്റത്തെ തുടര്‍ന്ന് ഇന്ത്യൻ ഓഹരി വിപണി ഇന്ന് നേട്ടത്തിൽ വ്യാപാരം അവസാനിപ്പിച്ചു. സെൻസെക്സ് 259.75 പോയിന്റ് അഥവാ 0.32 ശതമാനം ഉയർന്ന് 80,501.99 ൽ എത്തി. നിഫ്റ്റി 12.50 പോയിന്റ് അഥവാ 0.05 ശതമാനം നേട്ടത്തോടെ 24,346.70 ൽ ക്ലോസ് ചെയ്തു.

സെൻസെക്സ് ഓഹരികൾ ( Top Gainers, Losers )

സെൻസെക്സ് ഓഹരികളിൽ ബജാജ് ഫിനാൻസ്, ഇൻഡസ്ഇൻഡ് ബാങ്ക്, സ്റ്റേറ്റ് ബാങ്ക് ഓഫ് ഇന്ത്യ, മാരുതി, ടാറ്റ മോട്ടോഴ്‌സ്, ഐടിസി, ടാറ്റ സ്റ്റീൽ, റിലയൻസ് ഇൻഡസ്ട്രീസ് എന്നിവ നേട്ടമുണ്ടാക്കിയപ്പോൾ നെസ്‌ലെ, എൻ‌ടി‌പി‌സി, കൊട്ടക് മഹീന്ദ്ര ബാങ്ക്, പവർ ഗ്രിഡ്, ടൈറ്റൻ എന്നിവ നഷ്ടത്തിൽ വ്യാപാരം അവസാനിപ്പിച്ചു.

സെക്ടറൽ സൂചിക

സെക്ടറൽ സൂചികകളിൽ മീഡിയ, പവർ, ഐടി, ഓയിൽ ആൻഡ് ഗ്യാസ് എന്നിവ  0.3-06 ശതമാനം ഉയർന്നു. അതേസമയം പവർ, മെറ്റൽ, ടെലികോം, ഫാർമ, റിയൽറ്റി, കൺസ്യൂമർ ഡ്യൂറബിൾസ് എന്നിവ 0.5-1 ശതമാനം ഇടിഞ്ഞു.

ബിഎസ്ഇ മിഡ്‌ക്യാപ് സൂചിക 0.4 ശതമാനം ഇടിഞ്ഞപ്പോൾ സ്മോൾക്യാപ് സൂചിക ഫ്ലാറ്റ് ആയി അവസാനിച്ചു. ഇന്ത്യ വിക്സ് 0.19 ശതമാനം ഉയർന്ന്‌ 18.26 ൽ എത്തി.

ആഗോള വിപണികൾ

ഏഷ്യൻ വിപണികളിൽ, ദക്ഷിണ കൊറിയയുടെ കോസ്പി സൂചിക, ടോക്കിയോയിലെ നിക്കി 225, ഹോങ്കോങ്ങിന്റെ ഹാങ് സെങ് എന്നിവ നേട്ടത്തിലാണ് വ്യാപാരം അവസാനിപ്പിച്ചത്. ഷാങ്ഹായ് എസ്എസ്ഇ കോമ്പോസിറ്റ് സൂചിക നേരിയ നഷ്ടത്തിൽ വ്യാപാരം അവസാനിപ്പിച്ചു. യൂറോപ്യൻ വിപണികൾ ഉയർന്ന നിലയിലായിരുന്നു വ്യാപാരം. യുഎസ് വിപണികൾ വ്യാഴാഴ്ച പോസിറ്റീവ് സോണിൽ അവസാനിച്ചു.

ആഗോള എണ്ണ മാനദണ്ഡമായ ബ്രെന്റ് ക്രൂഡ് ഓയിൽ ബാരലിന് 0.82 ശതമാനം ഇടിഞ്ഞ് 61.62 ഡോളറിലെത്തി. യുഎസ് ഡോളറിനെതിരെ രൂപ ഒരു പൈസ ഉയർന്ന് 84.53 എന്ന നിലയിലെത്തി.