Login 
പഠിക്കാം & സമ്പാദിക്കാം 
Home
7 Jan 2026 6:21 PM IST
Soaring Home Prices in India
Summary
എട്ട് പ്രധാന നഗരങ്ങളില് ശരാശരി വീടു വില 19 ശതമാനം ഉയര്ന്നതായി റിപ്പോര്ട്ട്
കഴിഞ്ഞ വര്ഷം ഇന്ത്യയിലെ എട്ട് പ്രധാന നഗരങ്ങളിലായി ഭവന വില്പ്പന ഒരു ശതമാനം ഇടിഞ്ഞ് 3,48,207 യൂണിറ്റുകളായി. ശരാശരി വില 19 ശതമാനം വരെ ഉയര്ന്നതിനാല് ഡിമാന്ഡ് സ്തംഭിച്ചതായി റിയല് എസ്റ്റേറ്റ് കണ്സള്ട്ടന്റായ നൈറ്റ് ഫ്രാങ്ക് പറഞ്ഞു. ഭവന വായ്പകളുടെ പലിശ നിരക്കുകളിലെ കുറവ്, ശക്തമായ സാമ്പത്തിക വളര്ച്ച, കുറഞ്ഞ പണപ്പെരുപ്പം എന്നിവയാണ് 2025 ല് ഭവന ആവശ്യകത നിലനിര്ത്താന് സഹായിച്ച ചില പ്രധാന ഘടകങ്ങള്.
ശരാശരി വിലയില് വര്ധനവുണ്ടായിട്ടും വില്പ്പനയുടെ ആക്കം കഴിഞ്ഞ വര്ഷം തുടരുകയാണെന്ന് നൈറ്റ് ഫ്രാങ്ക് ഇന്ത്യ സിഎംഡി ശിശിര് ബൈജാല് പറഞ്ഞു. പലിശ നിരക്കുകള് കുറയ്ക്കുന്നത് റെസിഡന്ഷ്യല് വില്പ്പനയെ പ്രോത്സാഹിപ്പിക്കുന്നത് തുടരുമെന്ന് കരുതുന്നതായി അദ്ദേഹം പറഞ്ഞു.
എട്ട് നഗരങ്ങളില് ഭവന വില്പന ഇടിഞ്ഞു
മുംബൈ മേഖലയിലെ റെസിഡന്ഷ്യല് പ്രോപ്പര്ട്ടികളുടെ വില്പ്പന ഒരു ശതമാനം ഉയര്ന്ന് 97,188 യൂണിറ്റായി. രാജ്യത്തിന്റെ സാമ്പത്തിക തലസ്ഥാനമായ ഡല്ഹിയില് ശരാശരി ഭവന വില 7 ശതമാനം ഉയര്ന്ന് ചതുരശ്ര അടിക്ക് 8,856 രൂപയായി. ബെംഗളൂരുവിലെ ഭവന വില്പ്പന 55,373 യൂണിറ്റുകളില് മാറ്റമില്ലാതെ തുടര്ന്നു, അതേസമയം ശരാശരി വില 12 ശതമാനം വര്ധിച്ച് ചതുരശ്ര അടിക്ക് 7,388 രൂപയായി.
പൂനെയില് വില്പ്പന 3 ശതമാനം കുറഞ്ഞ് 50,881 യൂണിറ്റുകളിലെത്തി, എന്നാല് വില 5 ശതമാനം വര്ധിച്ച് ചതുരശ്ര അടിക്ക് 5,016 രൂപയിലെത്തി. ചെന്നൈയില് ഭവന വില്പ്പനയില് 12 ശതമാനം വളര്ച്ച രേഖപ്പെടുത്തി 18,262 യൂണിറ്റിലെത്തി. 2025-ല് കൊല്ക്കത്തയിലെ വില്പ്പന പ്രതിവര്ഷം 3 ശതമാനം കുറഞ്ഞ് 16,896 യൂണിറ്റിലെത്തിയെന്നും കണക്കുകള് വ്യക്തമാക്കുന്നു.