Login 
പഠിക്കാം & സമ്പാദിക്കാം 
Home
2 Jan 2026 6:22 PM IST
Manufacturing PMI:ഉല്പാദനമേഖലയുടെ വളര്ച്ച രണ്ട് വര്ഷത്തെ ഏറ്റവും താഴ്ന്ന നിലയിലെത്തിയെന്ന് എസ് ആന്റ് പി
MyFin Desk
Summary
നവംബറിലെ 56.6 ല് നിന്ന് എച്ച്എസ്ബിസി മാനുഫാക്ചറിംഗ് പര്ച്ചേസിംഗ് മാനേജേഴ്സ് ഇന്ഡക്സ് ഡിസംബറില് 55 ആയി കുറഞ്ഞു
നവംബറിലെ 56.6 ല് നിന്ന് എച്ച്എസ്ബിസി മാനുഫാക്ചറിംഗ് പര്ച്ചേസിംഗ് മാനേജേഴ്സ് ഇന്ഡക്സ് (പിഎംഐ) ഡിസംബറില് 55 ആയി കുറഞ്ഞു. ഇത് 38 മാസത്തെ ഏറ്റവും താഴ്ന്ന നിലയാണെന്ന് എസ് ആന്ഡ് പി ഗ്ലോബല് പറയുന്നു. മാന്ദ്യമുണ്ടായിട്ടും, ഇന്ത്യയുടെ ഉല്പ്പാദന മേഖല ശക്തമായ നിലയിലാണ് വര്ഷം അവസാനിച്ചതെന്ന് എസ് ആന്ഡ് പി ഗ്ലോബല് മാര്ക്കറ്റ് ഇന്റലിജന്സിലെ സാമ്പത്തിക ശാസ്ത്ര അസോസിയേറ്റ് ഡയറക്ടര് പോളിയാന ഡി ലിമ പറഞ്ഞു. 'അവസാന സാമ്പത്തിക പാദത്തിലേക്ക് കടക്കുമ്പോള് പുതിയ ബിസിനസ് ഇന്ടേക്കുകളിലെ കുത്തനെയുള്ള വര്ദ്ധനവ് കമ്പനികള്ക്ക് നേട്ടമായി. കൂടാതെ പ്രധാന പണപ്പെരുപ്പ സമ്മര്ദ്ദങ്ങളുടെ അഭാവം ഡിമാന്ഡിനെ പിന്തുണയ്ക്കുന്നത് തുടരുമെന്നും അവര് പറഞ്ഞു.
ആഭ്യന്തര ഉല്പാദനം
ഇന്ത്യയുടെ മൊത്ത ആഭ്യന്തര ഉല്പ്പാദനത്തില് ഏകദേശം 16 ശതമാനം വിഹിതം ഉല്പ്പാദന മേഖലയ്ക്കാണ്. ഡിസംബറില് പുതിയ ബിസിനസുകള് ശക്തമായ നിരക്കില് വളര്ച്ച തുടര്ന്നു. എന്നാല് 2023 ഡിസംബറിനു ശേഷമുള്ള ഏറ്റവും മന്ദഗതിയിലായിരുന്നു ഇത്. ഫാക്ടറി ഉല്പ്പാദനവും വികസിച്ചു. 2022 ഒക്ടോബറിനു ശേഷമുള്ള ഏറ്റവും ദുര്ബലമായ നിരക്കിലായിരുന്നു ഇത്.
കയറ്റുമതി ഓര്ഡര് കൂടി
പുതിയ കയറ്റുമതി ഓര്ഡറുകളില് സ്ഥിരമായ നേരിയതോതിലെ വളര്ച്ചയാണ് കണ്ടതെന്നും ഡി ലിമ പറഞ്ഞു. ഡിസംബറില് ഉയര്ന്ന അന്താരാഷ്ട്ര വില്പ്പന സൂചിപ്പിക്കുന്ന കമ്പനികളുടെ പങ്ക് 2025 ലെ ശരാശരിയുടെ പകുതിയോളം ആയിരുന്നെന്നും അവര് പറഞ്ഞു. കയറ്റുമതി കുറച്ച് വിപണികളിലേക്ക് മാത്രമായി പരിമിതപ്പെടുത്തിയിട്ടുണ്ടെന്നും, ഏഷ്യ, യൂറോപ്പ്, മിഡില് ഈസ്റ്റ് എന്നിവിടങ്ങളിലേക്കാണ് പ്രധാനമായും സാധനങ്ങള് പോകുന്നതെന്നും അവര് കൂട്ടിച്ചേര്ത്തു.