Login 
പഠിക്കാം & സമ്പാദിക്കാം 
Home
7 March 2024 12:52 PM IST
Summary
- ആകെ തെരഞ്ഞെടുത്ത സംരംഭങ്ങളുടെ എണ്ണം 149 ആയി
- നാല് വര്ഷത്തിനകം 1000 എംഎസ്എംഇകളുടെ ആകെ വിറ്റുവരവ് ഒരു ലക്ഷം കോടിയായി ഉയര്ത്താന് ലക്ഷ്യമിട്ടുള്ളതാണ് പദ്ധതി
- തെരഞ്ഞെടുക്കുന്ന യൂണിറ്റുകള്ക്ക് മൂലധന നിക്ഷേപ സബ്സിഡി 40 ശതമാനംവരെ നല്കും
വ്യവസായ വകുപ്പ് നടപ്പാക്കുന്ന മിഷന് 1000 പദ്ധതിയിലേക്ക് പുതിയതായി 61 സംരംഭംകൂടി തെരഞ്ഞെടുത്തു. ഇതോടെ ആകെ തെരഞ്ഞെടുത്ത സംരംഭങ്ങളുടെ എണ്ണം 149 ആയി.
നാല് വര്ഷത്തിനകം 1000 എംഎസ്എംഇകളുടെ ആകെ വിറ്റുവരവ് ഒരു ലക്ഷം കോടിയായി ഉയര്ത്താന് ലക്ഷ്യമിട്ടുള്ളതാണ് ഈ പദ്ധതി.
103 അപേക്ഷയാണ് സൂക്ഷ്മപരിശോധനയ്ക്കുശേഷം വ്യവസായ വാണിജ്യ ഡയറക്ടറേറ്റ് സമിതിയുടെ പരിഗണനയ്ക്കായി നല്കിയത്.
2023 നവംബര് ഒന്നുമുതല് 2024 ഫെബ്രുവരി 23 വരെ മിഷന് 1000 ഓണ്ലൈന് ലഭിച്ച അപേക്ഷകളില് വ്യവസായ ഡയറക്ടറേറ്റ് വിശദ പരിശോധന നടത്തി. 75 അപേക്ഷ കൂടുതല് വ്യക്തത വരുത്താന് തിരിച്ചു നല്കി. ബാക്കി 103 അപേക്ഷ സംസ്ഥാനതല അംഗീകാര സമിതിയുടെ പരിഗണനയ്ക്കായി സമര്പ്പിച്ചു. ഇതില് 61 അപേക്ഷയാണ് തെരഞ്ഞെടുത്തത്.
ഇതില് 20 സംരംഭങ്ങള് സൂക്ഷ്മ വിഭാഗത്തില് നിന്നും 30 എണ്ണം ചെറുകിട വിഭാഗത്തിലും 11 എണ്ണം ഇടത്തരം വിഭാഗത്തില് നിന്നുമാണ്.
മിഷന് 1000ന്റെ ഭാഗമായി വിപുലീകരിക്കുന്ന എംഎസ്എംഇകള് കേരളത്തില് രജിസ്റ്റര് ചെയ്തവയും 2023 മാര്ച്ച് 31 നകം കുറഞ്ഞത് മൂന്നു വര്ഷമെങ്കിലും പ്രവര്ത്തനം പൂര്ത്തീകരിച്ചവയും ആയിരിക്കണം. ഉല്പ്പാദന, സേവന മേഖലകളില് ഏര്പ്പെട്ടിട്ടുള്ളവയും ആയിരിക്കണം.
തെരഞ്ഞെടുക്കുന്ന യൂണിറ്റുകള്ക്ക് മൂലധന നിക്ഷേപ സബ്സിഡി 40 ശതമാനംവരെ (പരമാവധി രണ്ടുകോടി രൂപ) നല്കും. പ്രവര്ത്തന മൂലധന വായ്പകള്ക്ക് പലിശ നിരക്കിന്റെ 50 ശതമാനംവരെ പലിശ ഇളവ് (50 ലക്ഷം രൂപ വരെ) ഉണ്ടായിരിക്കും. യൂണിറ്റ് വിപുലീകരിക്കാനുള്ള ഡിപിആര് തയ്യാറാക്കാന് ഒരു ലക്ഷം രൂപയും നല്കും.
തെരഞ്ഞെടുക്കപ്പെട്ട സംരംഭങ്ങള് സംസ്ഥാന സര്ക്കാര് എംപാനല് ചെയ്ത ഏതെങ്കിലും കണ്സള്ട്ടന്റിന്റെ സഹായത്തോടെ സ്കെയില് അപ്പ് ഡി പി ആര് തയ്യാറാക്കണം. ഇതിന്റെ അടിസ്ഥാനത്തിലായിരിക്കും പദ്ധതിയുടെ പ്രവര്ത്തനങ്ങള് വിലയിരുത്തുന്നത്.
യൂണിറ്റ് വിപുലീകരിക്കുന്നതിനുള്ള ഡിപിആര് തയ്യാറാക്കുന്നതിനായി ഒരു സംരംഭത്തിന് ഒരു ലക്ഷം രൂപ വരെ സാമ്പത്തിക സഹായം നല്കും.