Login 
പഠിക്കാം & സമ്പാദിക്കാം 
Home
23 Jun 2026 6:56 PM IST
Summary
51,70,015 ഗുണഭോക്താക്കള്ക്കാണ് ഈ മാസം ക്ഷേമ പെന്ഷന് ലഭിക്കുക
ജൂണ് മാസത്തെ ക്ഷേമ പെന്ഷന് വിതരണം നാളെ മുതല് ആരംഭിക്കും. ഇത് സംബന്ധിച്ച് ധനകാര്യവകുപ്പ് ഉത്തരവിറക്കി. അടുത്ത മാസം മൂന്നിനകം വിതരണം പൂര്ത്തിയാക്കണം എന്നാണ് നിര്ദേശം. കഴിഞ്ഞ മേയ് മാസത്തെ പെന്ഷന് വിതരണം പൂര്ത്തിയായതിന് പിന്നാലെയാണ്, ജൂണ് മാസത്തെ പെന്ഷന് വിതരണത്തിനായി തുക അനുവദിച്ച് സര്ക്കാര് ഉത്തരവിറക്കിയിരിക്കുന്നത്.
കര്ഷകത്തൊഴിലാളി പെന്ഷന്, ഇന്ദിരാഗാന്ധി ദേശീയ വാര്ധക്യകാല പെന്ഷന്, ഭിന്നശേഷി പെന്ഷന്, അവിവാഹിതകള്ക്കുള്ള പെന്ഷന്, വിധവാ പെന്ഷന് എന്നിവ കൈപ്പറ്റുന്ന ലക്ഷക്കണക്കിന് ഗുണഭോക്താക്കളുടെ കൈകളിലേക്ക് തുക എത്രയും വേഗം എത്തിക്കാനാണ് സര്ക്കാര് ലക്ഷ്യമിടുന്നതെന്ന് ഉത്തരവില് പറയുന്നു.
സംസ്ഥാനത്തെ ആകെ 51,70,015 ഗുണഭോക്താക്കള്ക്കാണ് ഈ മാസം ക്ഷേമ പെന്ഷന് ലഭിക്കുക. ഗുണഭോക്താക്കളുടെ താല്പര്യപ്രകാരം രണ്ട് വ്യത്യസ്ത വിതരണ ശൃംഖലകള് വഴിയാണ് തുക വിതരണം ചെയ്യുന്നത്.