പുതുസംരംഭകര്‍ക്കായി വ്യവസായ വകുപ്പിന്‍റെ 5 ദിവസ ശില്‍പ്പശാല

പുതിയ സംരംഭം തുടങ്ങാൻ താൽപ്പര്യപ്പെടുന്ന സംരംഭകർക്കായി വ്യവസായ വാണിജ്യ വകുപ്പിന്‍റെ സംരംഭക്ത്വ വികസന സ്ഥാപനമായ കേരള ഇൻസ്‍റ്റിറ്റ്യൂട്ട് ഫോർ എന്‍റർപ്രണർഷിപ്പ് ഡെവലപ്പ്മെന്‍റ് (കെഐഇഡി) പരിശീലന പരിപാടി സംഘടിപ്പിക്കുന്നg. സംരംഭകരാകാന്‍ ആഗ്രഹിക്കുന്നവർക്ക് ഫെബ്രുവരി 5 മുതൽ 9 വരെ കളമശേരിയിലുള്ള കെഐഇഡി ക്യാമ്പസ്സിൽ നടക്കുന്ന പരിശീലനത്തിൽ പങ്കെടുക്കാം.

പുതിയ സംരംഭകർ അറിഞ്ഞിരിക്കേണ്ട ബിസിനസ്സിന്റെ നിയമ വശങ്ങൾ, ഐഡിയ ജനറേഷൻ, പ്രൊജക്റ്റ് റിപ്പോർട്ട് തയ്യാറാക്കുന്ന വിധം, സെയിൽസ് ആൻഡ് മാർക്കറ്റിംഗ്, ബാങ്കിൽ നിന്ന് ലഭിക്കുന്ന സാമ്പത്തിക സഹായങ്ങൾ, ജിഎസ്ടി, സംരംഭം തുടങ്ങാനാവശ്യമായ ലൈസൻസുകൾ, വിജയിച്ച സംരംഭകരുടെ അനുഭവങ്ങള്‍ പങ്കിടൽ തുടങ്ങിയ നിരവധി സെക്ഷനുകൾ ആണ് ഉൾപ്പെടുത്തിയിരിക്കുന്നത്.

താത്പര്യമുള്ളവർ http://kied.info/training-calender/ എന്ന വെബ്സൈറ്റ് സന്ദർശിച്ച് ഓൺലൈനായി ഫെബ്രുവരി രണ്ടിന് മുമ്പ് അപേക്ഷ സമർപ്പിക്കണം. തെരഞ്ഞെടുക്കപ്പെടുന്ന 35 പേർ മാത്രം ഫീസ് അടച്ചാൽ മതി. കൂടുതൽ വിവരങ്ങൾക്ക് 0484 2532890/ 2550322/ 9605542061.