Zomato Hikes Platform Fee : സൊമാറ്റോ പ്ലാറ്റ്ഫോം ഫീസ് വീണ്ടും കൂട്ടി; ഇനി ഓരോ ഓർഡറിനും 14.90 രൂപ

ഓൺലൈൻ ഭക്ഷണ ഓർഡറുകൾ ഇനി കൂടുതൽ ചെലവേറും. പ്രമുഖ ഫുഡ് ഡെലിവറി പ്ലാറ്റ്ഫോമായ സൊമാറ്റോ, ഓരോ ഓർഡറിനുമുള്ള പ്ലാറ്റ്ഫോം ഫീസ് വീണ്ടും വർധിപ്പിച്ചു.

ഇപ്പോൾ ഓരോ ഓർഡറിനും 14.90 രൂപയാണ് ഫീസ്. മുമ്പ് ഇത് ഏകദേശം ₹12.50 ആയിരുന്നു. പുതിയ വർധനവ് ഏകദേശം 20 ശതമാനം വരെയാണ്.

ഈ ഫീസ് വർധനവ് രാജ്യത്തുടനീളം പ്രാബല്യത്തിൽ വന്നതോടെ ഉപഭോക്താക്കൾക്ക് കൂടുതൽ ചെലവ് വരും. ഡെലിവറി ചാർജുകളും ജിഎസ്ടിയും ഉൾപ്പെടെ മൊത്തം ബിൽ ഉയരുമെന്നതാണ് പ്രധാന ആശങ്ക.

2023-ൽ വെറും 2രൂപ ആയി ആരംഭിച്ച പ്ലാറ്റ്ഫോം ഫീസ്, ഘട്ടംഘട്ടമായി ഉയർത്തിയാണ് സൊമാറ്റോഇപ്പോൾ 14.90രൂപ വരെ എത്തിച്ചത്.

കമ്പനിയുടെ വരുമാനം വർധിപ്പിക്കാനുള്ള നീക്കമായാണ് ഈ ഫീസ് വർധനവ് വിലയിരുത്തപ്പെടുന്നത്