ശ്രീ ശക്തി പേപ്പര്‍ മില്‍സിനെ അറിയാം

ശ്രീ ശക്തി പേപ്പര്‍ മില്‍സ് ലിമിറ്റഡ് ചാലക്കുടി ആസ്ഥാനമായുള്ള ഒരു കമ്പനിയാണ്. ക്രാഫ്റ്റ് പേപ്പറിന്റെയും, ഡ്യൂപ്ലക്‌സ് ബോര്‍ഡിന്റെയും നിര്‍മ്മാണത്തിലും, വ്യാപാരത്തിലും (കയറ്റുമതി ഉള്‍പ്പെടെ) കമ്പനി ഏര്‍പ്പെട്ടിരിക്കുന്നു. ഉല്‍പ്പന്നങ്ങളില്‍ പാരമ്പര്യേതര അസംസ്‌കൃത വസ്തുക്കളില്‍ നിന്നുള്ള ക്രാഫ്റ്റ് പേപ്പറും ഉള്‍പ്പെടുന്നു.

ശ്രീ കൈലാസ് പാല്‍ചുരം ഹൈഡ്രോ പവര്‍ ലിമിറ്റഡ്, ശ്രീ ആദിശക്തി മുക്കുട്ടത്തോട് ഹൈഡ്രോ പവര്‍ ലിമിറ്റഡ്, ജലശായി ആലംപാറത്തോട് ഹൈഡ്രോ പവര്‍ ലിമിറ്റഡ് എന്നിവ ശ്രീ ശക്തിയുടെ ഉപസ്ഥാപനങ്ങളില്‍പ്പെടുന്നു. ശ്രീ ശക്തി പേപ്പര്‍ മില്‍സ് 1991 ലാണ് രൂപീകരിച്ചത്. 1995 ല്‍ കമ്പനി 9,000 ടണ്‍ സ്ഥാപിത ശേഷിയുള്ള ഡ്യൂപ്ലക്‌സ് ബോര്‍ഡ് പ്ലാന്റ് കമ്മീഷന്‍ ചെയ്തു. 1998 ല്‍ കമ്പനിക്ക് ഡ്യൂപ്ലെക്സ് യൂണിറ്റിലെ മികച്ച യൂണിറ്റിനുള്ള മലിനീകരണ നിയന്ത്രണ ബോര്‍ഡ് അവാര്‍ഡ് ലഭിച്ചു. 1999 ല്‍ ക്രാഫ്റ്റ് യൂണിറ്റിലെ മികച്ച യൂണിറ്റിനുള്ള മലിനീകരണ നിയന്ത്രണ ബോര്‍ഡ് അവാര്‍ഡും ലഭിച്ചു. 2006-07 വര്‍ഷത്തില്‍ കമ്പനി പേപ്പര്‍, പേപ്പര്‍ ബോര്‍ഡുകളുടെ ഉല്‍പ്പാദനശേഷി 43,400 ടണ്‍ വര്‍ധിപ്പിച്ച് 85,000 ടണ്‍ ആക്കി.

മുക്കൂട്ടത്തോട് (കേരളം) മൂന്ന് മെഗാവാട്ട്, ആലംപാറത്തോട് (കേരളം) മൂന്ന് മെഗാവാട്ട്, പാല്‍ച്ചുരത്ത് (കേരളം) 5.25 മെഗാവാട്ട് എന്നിങ്ങനെ മൂന്ന് ചെറുകിട ജലവൈദ്യുത പദ്ധതികള്‍ കമ്പനി ഏറ്റെടുത്തു.