Coconut Oil Price ;2026 മുതല്‍ വെളിച്ചെണ്ണ വില കുതിക്കും; കേരളത്തിന് പ്രതീക്ഷ

വിവിധ ക്രീമുകളിലും മറ്റു സൗന്ദര്യ ഉല്‍പന്നങ്ങളിലും പ്രകൃതിദത്തമായ എണ്ണകള്‍ വ്യാപകമായി ഉപയോഗിക്കാന്‍ തുടങ്ങിയത് എണ്ണ വിപണിക്ക് വരും വര്‍ഷങ്ങളില്‍ നേട്ടമാകും. ചര്‍മസംരക്ഷണ വ്യവസായത്തിലെ ഏറ്റവും വേഗത്തില്‍ വളരുന്ന വിഭാഗങ്ങളിലൊന്നായി വെളിച്ചെണ്ണ ഉല്‍പന്നങ്ങള്‍ മാറിയിരിക്കുന്നു. ഫാറ്റി ആസിഡുകള്‍, ആന്റിഓക്സിഡന്റുകള്‍, ചര്‍മത്തെ സംരക്ഷിക്കുന്ന പോഷകങ്ങള്‍ എന്നിവയാല്‍ സമ്പുഷ്ടമായ വെളിച്ചെണ്ണ ലോകമെമ്പാടുമുള്ള മോയ്സ്ചറൈസിങ് ക്രീമുകളില്‍ നിര്‍ണായകമായ ഒന്നായി മാറി. ഇത് ഇന്ത്യയില്‍ ഏറ്റവും കൂടുതല്‍ നാളികേരം ഉല്‍പാദിപ്പിക്കുന്ന സംസ്ഥാനങ്ങളിലൊന്നായ കേരളത്തിന് വന്‍ നേട്ടമാകുമെന്ന് ഈ രംഗത്തുള്ളവർ പറയുന്നു.

രക്ഷകനായി മോയ്സ്ചറൈസിങ് ക്രീമുകള്‍

2025നും 2035നും ഇടയില്‍ ഈ മേഖലയില്‍ വന്‍ മുന്നേറ്റമാണ് പ്രതീക്ഷിക്കുന്നത്.അടുത്തിടെ വന്ന ഒരു വ്യവസായ ഗവേഷണ റിപ്പോര്‍ട്ടനുസരിച്ച് 2025ല്‍ ആഗോള വെളിച്ചെണ്ണ മോയ്സ്ചറൈസിങ് ക്രീമുകളുടെ വിപണിയുടെ മൂല്യം 23 .52 കോടി ഡോളറായിരുന്നു. 2035 വരെയുള്ള പത്ത് വർഷത്തിനുള്ളിൽ, വിപണി ഏകദേശം 6,7 .39 കോടി ഡോളറാകുമെന്ന് പ്രതീക്ഷിക്കുന്നു. ഈ മേഖലയില്‍ ഏകദേശം 190.7% വര്‍ധനവാണ് ഉണ്ടായിരിക്കുന്നത്.

വളരുന്ന വിപണി

2026 മുതല്‍ 2036 വരെ ആഗോള വെളിച്ചെണ്ണ മോയ്സ്ചറൈസിങ് ക്രീമുകളുടെ വിപണി ശക്തമായ വളര്‍ച്ച കൈവരിക്കുമെന്നാണ് പ്രതീക്ഷിക്കുന്നത്. 2035 ആകുമ്പോഴേക്കും വിപണി മൂല്യം മൂന്നിരട്ടിയാകുമെന്നാണ് പ്രതീക്ഷിക്കുന്നത്.