Coffee Farmers Crisis:തൊഴിലാളി ക്ഷാമം. കാപ്പി വിളവെടുപ്പ് നടത്താനാകാതെ കേരളത്തിലെ കര്‍ഷകര്‍ പ്രതിസന്ധിയില്‍

വയനാട് മേപ്പാടി മേഖലയിലെ കാപ്പി കര്‍ഷകര്‍ വലിയ ദുരിതത്തിലാണ്. വെളവെടുപ്പ് താമസിക്കുന്നതിലൂടെ പഴുത്ത കാപ്പി ഉണങ്ങി വീഴുന്ന് അവസ്ഥയാണ്. ചെറുകിട,ഇടത്തരം കര്‍ഷകരാണ് പ്രതിസന്ധി നേരിടുന്നത്. വിപണിയില്‍ കാപ്പിക്ക് ഭേദപ്പെട്ട വിലയുള്ള സമയത്താണ് കൃഷിക്കാരുടെ ഈ നിസ്സഹായാവസ്ഥ.

ഒരു കിലോ പച്ചക്കാപ്പി പറിക്കുന്നതിന് നാട്ടില്‍ ആറു രൂപയും ആറര രൂപയും കൂലി നല്‍കുമ്പോള്‍ ചില വലിയ കച്ചവടക്കാര്‍ ഏഴര രൂപ വരെ കൂലി കൊടുക്കുന്നു. ഈ സാഹചര്യവും ഇടത്തരം കര്‍ഷകര്‍ക്ക് ഭീഷണി ഉയര്‍ത്തുന്നുണ്ടെന്നാണ് കര്‍ഷകര്‍ പറയുന്നത്.

ഇന്ത്യയില്‍ കാപ്പി ഉല്‍പാദനത്തില്‍ വയനാട് രണ്ടാം സ്ഥാനത്താണ്. എഴുപതിനായിരത്തോളം കര്‍ഷകരാണ് ഇവിടെ കാപ്പി കൃഷി ചെയ്യുന്നത്.