യൂറോപ്യന്‍ യൂണിയനില്‍ വെണ്ണ കയറ്റുമതി റെക്കോര്‍ഡില്‍; വിലയും കുറവ്, ഇന്ത്യക്ക് വെല്ലുവിളിയാകുമോ?

യൂറോപ്യന്‍ യൂണിയനില്‍ നിന്നുള്ള വെണ്ണ കയറ്റുമതി റെക്കോര്‍ഡ് ഉയര്‍ന്ന നിലയില്‍ തുടരുകയാണ്. എന്നാല്‍ യൂറോപ്യന്‍ വെണ്ണയുടെ വില കഴിഞ്ഞ വര്‍ഷത്തെ അപേക്ഷിച്ച് ഏതാണ്ട് 30% കുറഞ്ഞിട്ടുണ്ട്. യൂറോപ്യന്‍ വെണ്ണയ്ക്ക് അന്താരാഷ്ട്ര വിപണിയില്‍ ഇപ്പോഴും വലിയ കയറ്റുമതി സാന്നിധ്യമുണ്ട്. കഴിഞ്ഞ വര്‍ഷത്തെ അപേക്ഷിച്ച് വെണ്ണവില കുറഞ്ഞതിനാല്‍ ഇറക്കുമതിക്കാര്‍ക്ക് കൂടുതല്‍ ലാഭകരമായി ഉല്‍പ്പന്നം ലഭിക്കുമെന്നാണ് പ്രതീക്ഷ. ഇതൂമൂലം

പാല്‍ ലഭ്യത, ക്രീമിന്റെ വില, വെണ്ണയുടെ സ്റ്റോക്ക്, ഉപഭോക്തൃ ആവശ്യകത എന്നിവ അടുത്ത മാസങ്ങളിലെ വിപണിയെ സ്വാധീനിച്ചേക്കാം.

യൂറോപ്പിലെ വെണ്ണവില ഇടിവ് ഇന്ത്യന്‍ ഡയറി മേഖലയെ ബാധിക്കുമോ?

യൂറോപ്പിലെ വെണ്ണവില ഇടിവ് ഇന്ത്യന്‍ ഡയറി മേഖലയെ ബാധിക്കാന്‍ സാധ്യതയുണ്ടെന്നാണ് റിപ്പോര്‍ട്ടുകല്‍ സൂചിപ്പിക്കുന്നത്. യൂറോപ്പില്‍ വെണ്ണവില കുറഞ്ഞതുകൊണ്ട് മാത്രം ഇന്ത്യയിലെ പാല്‍വിലയും വെണ്ണവിലയും ഉടന്‍ കുറയുമെന്ന് പറയാനാവില്ല. ഇന്ത്യയിലെ പാലുത്പാദനം, ആഭ്യന്തര ഉപഭോഗം, പാല്‍ക്കൊഴുപ്പിന്റെ ലഭ്യത, ഇറക്കുമതി നയം, അന്താരാഷ്ട്ര വ്യാപാരം എന്നിവയെ ആശ്രയിച്ചായിരിക്കും യഥാര്‍ത്ഥ പ്രതിഫലം.

യൂറോപ്യന്‍ യൂണിയനില്‍ വെണ്ണവില കഴിഞ്ഞ വര്‍ഷത്തെ അപേക്ഷിച്ച് ഏകദേശം 30% കുറഞ്ഞതും ഈ സാഹചര്യം ഇന്ത്യയിലെ ക്ഷീരകര്‍ഷകര്‍, സഹകരണ സംഘങ്ങള്‍, പാല്‍ സംസ്‌കരണ കമ്പനികള്‍, വെണ്ണ-നെയ്യ് നിര്‍മ്മാതാക്കള്‍ എന്നിവരെ വ്യത്യസ്ത രീതികളില്‍ ബാധിക്കാം.

ഇന്ത്യന്‍ സര്‍ക്കാരിന്റെ കണക്കുകള്‍ പ്രകാരം ഇന്ത്യ ലോകത്തിലെ ഏറ്റവും വലിയ പാല്‍ ഉല്‍പ്പാദക രാജ്യമാണ്. ഇന്ത്യയുടെ പാല്‍ ഉല്‍പ്പാദനം തുടര്‍ച്ചയായി വര്‍ധിക്കുന്നതും ആഭ്യന്തര വിപണിയുടെ വലിപ്പവും യൂറോപ്യന്‍ വിലക്കുറവിന്റെ ആഘാതം മനസ്സിലാക്കാന്‍ പ്രധാനമാണ്.

കേന്ദ്ര സര്‍ക്കാരിന്റെ 2024-25 കണക്കുകള്‍ പ്രകാരം ഇന്ത്യയുടെ വാര്‍ഷിക പാല്‍ ഉല്‍പ്പാദനം 247.87 ദശലക്ഷം ടണ്‍ ആണ്. ഈ കണക്കുകള്‍ കാണിക്കുന്നത് ഇന്ത്യയുടെ ഡയറി മേഖല വലുതും ആഭ്യന്തര ഉല്‍പ്പാദനത്തെ പ്രധാനമായി ആശ്രയിക്കുന്നതുമാണെന്നാണ്. യൂറോപ്പില്‍ വില കുറഞ്ഞാലും ഇന്ത്യയിലെ കര്‍ഷകര്‍ക്ക് ലഭിക്കുന്ന പാലിന്റെ വില അന്താരാഷ്ട്ര വെണ്ണവിലയെ മാത്രം ആശ്രയിക്കുന്നില്ലെന്നതും ആശ്വാസകരമാണ്.

ഇന്ത്യ യൂറോപ്പില്‍ നിന്ന് എത്ര വെണ്ണ ഇറക്കുമതി ചെയ്യുന്നു?

ലഭ്യമായ 2025-ലെ അന്താരാഷ്ട്ര വ്യാപാര ഡാറ്റയില്‍, ഇന്ത്യയുടെ വെണ്ണയും പാലില്‍ നിന്നുള്ള മറ്റ് ഉല്‍പ്പന്നങ്ങളും ഉള്‍പ്പെടുന്ന മൊത്തം ഇറക്കുമതി ഏകദേശം 714 ടണ്ണാണ് രേഖപ്പെടുത്തിയിരിക്കുന്നത്.

ബെല്‍ജിയം-59.87 ടണ്‍, യുണൈറ്റഡ് കിംഗ്ഡം 60.00 ടണ്‍, ഫ്രാന്‍സ് -43.22 ടണ്‍, ജര്‍മനി-1.20 ടണ്‍, ഡെന്‍മാര്‍ക്ക്- 6.56 ടണ്‍, ന്യൂസിലന്‍ഡ്- 9.80 ടണ്‍ എന്നിങ്ങനെയാണ് ഇന്ത്യയുടെ ഇറക്കുമതി കണക്ക്.

ഇന്ത്യന്‍ വെണ്ണ കയറ്റുമതി

ലോകവിപണിയിലെ വെണ്ണവില കുറഞ്ഞാല്‍ ഇന്ത്യന്‍ കയറ്റുമതിക്കാര്‍ക്ക് വിദേശ വിപണികളില്‍ മത്സരിക്കാന്‍ ബുദ്ധിമുട്ടുണ്ടാകാം. മറുവശത്ത്, ഉല്‍പ്പാദനച്ചെലവും ആഭ്യന്തര വിലയും അനുകൂലമായാല്‍ കയറ്റുമതി തുടരാനും കഴിയും.

ഇന്ത്യയുടെ ഡയറി മേഖലയെക്കുറിച്ചുള്ള 2025-26 വിപണി റിപ്പോര്‍ട്ടില്‍, വെണ്ണയുടെ ആഭ്യന്തര ഉല്‍പ്പാദനം ഇറക്കുമതിയെക്കാള്‍ വളരെ വലുതാണെന്നും, ആഗോള വിലയും ആഭ്യന്തര വിലയും തമ്മിലുള്ള വ്യത്യാസം കയറ്റുമതിയെ സ്വാധീനിക്കുന്നുവെന്നും ചൂണ്ടിക്കാട്ടുന്നു