Drive Abroad with easy: വിദേശ യാത്രയിൽ ഡ്രൈവിംഗ് എളുപ്പം: ഇന്ത്യൻ ലൈസൻസോടെ വാഹനമോടിക്കാവുന്ന രാജ്യങ്ങൾ

ടൂറിന് വിദേശത്തേക്ക് പോകുമ്പോൾ സ്വന്തം രീതിയിൽ സ്ഥലങ്ങൾ കണ്ടെത്തി സഞ്ചരിക്കണമെന്നത് പലരുടെയും സ്വപ്നമാണ്. എന്നാൽ അവിടെ വാഹനം ഓടിക്കാൻ കഴിയുമോ എന്ന ആശങ്ക പലർക്കുമുണ്ട്. എന്നാൽ സന്തോഷവാർത്തയെന്ന് പറയേണ്ടതെങ്കിൽ, ഇന്ത്യയിൽ നിന്നുള്ള സാധുവായ ഡ്രൈവിംഗ് ലൈസൻസ് ഉപയോഗിച്ച് നിരവധി രാജ്യങ്ങളിൽ നിങ്ങൾക്ക് വാഹനമോടിക്കാൻ സാധിക്കും. ചില രാജ്യങ്ങളിൽ അന്താരാഷ്ട്ര ഡ്രൈവിംഗ് പെർമിറ്റ് ആവശ്യമായേക്കും എന്നത് മാത്രം ശ്രദ്ധിക്കണം.

ഓസ്ട്രേലിയയിലെ ചില സംസ്ഥാനങ്ങൾ ഒഴികെ ഭൂരിഭാഗം പ്രദേശങ്ങളിലും ഇന്ത്യൻ ലൈസൻസോടെ ഡ്രൈവ് ചെയ്യാം. ഫിൻലാൻഡിൽ ഒരു വർഷം വരെ അന്താരാഷ്ട്ര ഡ്രൈവിംഗ് പെർമിറ്റ് സഹിതം ഡ്രൈവ് ചെയ്യാം. ഇറ്റലിയിൽ രണ്ട് വർഷം വരെ അന്താരാഷ്ട്ര ഡ്രൈവിംഗ് പെർമിറ്റ് ഉപയോഗിച്ച് വാഹനമോടിക്കാം. നേപ്പാളിൽ ഒരു മാസത്തെ പെർമിറ്റോടെ ഇന്ത്യൻ ഡ്രൈവർമാർക്ക് സ്വതന്ത്രമായി വാഹനം ഓടിക്കാം.

ഭൂട്ടാനിൽ സ്വന്തം വാഹനവുമായി ഒരു വർഷം വരെ പ്രവേശിച്ച് ഡ്രൈവ് ചെയ്യാം, എന്നാൽ രജിസ്ട്രേഷൻ ഉൾപ്പെടെയുള്ള രേഖകൾ നിർബന്ധമാണ്. കാനഡയിലെ നിയമങ്ങൾ പ്രവിശ്യകളനുസരിച്ച് മാറും. ഒന്റാറിയോയിൽ മൂന്ന് മാസത്തിനകം ഇന്ത്യൻ ലൈസൻസ് മാത്രം മതി, അതിന് മുകളിലാണെങ്കിൽ അന്താരാഷ്ട്ര ഡ്രൈവിംഗ് പെർമിറ്റ് ആവശ്യമാണ്.

ഐസ്ലാൻഡിൽ ഒരു വർഷം വരെ ഇന്ത്യൻ ലൈസൻസോടെ ഡ്രൈവ് ചെയ്യാം. ഫ്രാൻസിലും മൊണാക്കോയിലും ആറു മാസം വരെ അന്താരാഷ്ട്ര ഡ്രൈവിംഗ് പെർമിറ്റ് ഉപയോഗിച്ച് വാഹനമോടിക്കാൻ അനുമതിയുണ്ട്.

അതായത്, വിദേശ യാത്രകൾക്ക് പോകുമ്പോൾ ഡ്രൈവിംഗ് സ്വാതന്ത്ര്യം നഷ്ടമാകേണ്ടതില്ല. ശരിയായ രേഖകൾ കൈവശം വെച്ചാൽ ലോകത്തിന്റെ പല ഭാഗങ്ങളിലും നിങ്ങൾക്ക് സ്വന്തം സ്റ്റിയറിംഗ് കൈകാര്യം ചെയ്യാം.