തിരഞ്ഞെടുത്ത മോഡലുകൾക്ക് കിടിലൻ ഡിസ്കൗണ്ടുമായി ഹ്യൂണ്ടായി

നവംബറിൽ തിരഞ്ഞെടുത്ത മോഡലുകൾക്ക് കിഴിവുമായി ഹ്യൂണ്ടായി. ഏഴ് ലക്ഷം രൂപയുടെ ഡിസ്കൌണ്ടാണ് വിവിധ മോഡലുകൾക്ക് നൽകുന്നത്. ഹ്യുണ്ടായി അയോണിക് 5 ഇലക്ട്രിക് എസ്‌യുവിക്ക് 7.05 ലക്ഷം രൂപ വരെയാണ് കിഴിവ് നൽകുന്നത്.

ഗ്രാൻഡ് i10 നിയോസ് ഹാച്ച്ബാക്ക്, എക്സ്റ്റർ സബ്കോംപാക്റ്റ് എസ്‌യുവി, i20 ഹാച്ച്ബാക്ക്, വെന്യു സബ്കോംപാക്റ്റ് എസ്‌യുവി, അൽകാസർ എസ്‌യുവി, അയോണിക് 5 ഇലക്ട്രിക് എസ്‌യുവി എന്നിവയുൾപ്പെടെ തിരഞ്ഞെടുത്ത മോഡലുകളിൽ ഹ്യുണ്ടായി ഇന്ത്യ ആകർഷകമായ കിഴിവുകളും ആനുകൂല്യങ്ങളും ലഭിക്കും. 2024 ഹ്യുണ്ടായി അയോണിക് 5 ന് 7.05 ലക്ഷം രൂപ വരെ വൻ കിഴിവുണ്ട്. അതേസമയം 2025 പതിപ്പിന് 2.05 ലക്ഷം രൂപ വരെ ആനുകൂല്യങ്ങൾ ലഭിക്കും. ഓൾ-ഇലക്ട്രിക് എസ്‌യുവി നിലവിൽ ഒറ്റ വേരിയന്റിൽ ലഭ്യമാണ്. 46.05 ലക്ഷം രൂപയാണ് എക്സ്-ഷോറൂം വില.

ഹ്യുണ്ടായി അയോണിക് പൂർണ്ണ ചാർജിൽ 631 കിലോമീറ്റർ റേഞ്ച് നൽകുന്നു.. ഇതിന് റിയർ-വീൽ-ഡ്രൈവ് കോൺഫിഗറേഷൻ ലഭിക്കുന്നു. വെറും 18 മിനിറ്റിനുള്ളിൽ ബാറ്ററി 10 ശതമാനം മുതൽ 80 ശതമാനം വരെ ചാർജ് ചെയ്യാൻ കഴിയും.

ഹ്യുണ്ടായി അയോണിക് 5 ന് ഫ്ലാറ്റ് ഫ്ലോർ, ഫ്ലെക്സിബിൾ സീറ്റുകൾ, മൂവബിൾ സെന്റർ കൺസോൾ എന്നിവയുള്ള മിനിമലിസ്റ്റിക് ഇന്റീരിയർ ഡിസൈൻ ഉണ്ട്. ടച്ച്‌സ്‌ക്രീൻ ഇൻഫോടെയ്ൻമെന്‍റ്, ഇൻസ്ട്രുമെന്‍റ് ക്ലസ്റ്റർ എന്നിവയ്ക്കായി ഡ്യുവൽ 12.3 ഇഞ്ച് സ്‌ക്രീനുകൾ, എഡിഎഎസ് സ്യൂട്ട്, ഓഗ്‌മെന്‍റഡ് റിയാലിറ്റി ഫംഗ്‌ഷനുകളുള്ള ഹെഡ്‌സ്-അപ്പ് ഡിസ്‌പ്ലേ, വെഹിക്കിൾ-ടു-ലോഡ് ഫംഗ്‌ഷണാലിറ്റി, മറ്റ് നിരവധി പ്രീമിയം സവിശേഷതകൾ എന്നിവ ഇവി വാഗ്ദാനം ചെയ്യുന്നു.