India Car Sales Surge in February 2026; 2026 ഫെബ്രുവരിയിൽ ഇന്ത്യൻ കാർ വിപണി കുതിപ്പ്; മാരുതി മുൻതൂക്കം നിലനിർത്തി

2026 ഫെബ്രുവരിയിൽ ഇന്ത്യയിലെ കാർ വിപണി ശക്തമായ വളർച്ചയാണ് രേഖപ്പെടുത്തിയിരിക്കുന്നത്. പുതിയ കണക്കുകൾ പ്രകാരം, പാസഞ്ചർ വാഹന രജിസ്ട്രേഷൻ 25 ശതമാനത്തിലധികം ഉയർന്ന് 3,82,812 യൂണിറ്റായി. കഴിഞ്ഞ വർഷം ഫെബ്രുവരിയിലെ 3,05,841 യൂണിറ്റുമായി താരതമ്യം ചെയ്യുമ്പോൾ ഇത് വലിയ ഉയർച്ചയാണ്.

ജനുവരിയിലെ 4,98,638 യൂണിറ്റ് എന്ന റെക്കോർഡ് വിൽപ്പനയ്ക്ക് ശേഷം ഫെബ്രുവരിയിൽ ചെറിയ ഇടിവുണ്ടായെങ്കിലും, വാർഷിക അടിസ്ഥാനത്തിൽ വിപണി ഉറച്ച വളർച്ച തുടരുന്നു.

രാജ്യത്തെ ഏറ്റവും വലിയ കാർ നിർമ്മാതാക്കളായ മാരുതി സുസുക്കി വിപണി ആധിപത്യം വീണ്ടും ഉറപ്പിച്ചു. ഫെബ്രുവരിയിൽ 1,54,390 യൂണിറ്റ് വിൽപ്പന നടത്തി കമ്പനി 28.3% വളർച്ച നേടി. വിപണി വിഹിതം 40.3% ആയി ഉയർന്നു.

രണ്ടാം സ്ഥാനത്തിനായുള്ള പോരാട്ടത്തിൽ ടാറ്റ മോട്ടോഴ്സ് 55,260 യൂണിറ്റുകളുമായി മുന്നിലെത്തി. 42.5% വളർച്ചയോടെ കമ്പനി ശക്തമായ പ്രകടനം കാഴ്ചവെച്ചു. മഹീന്ദ്ര ആൻഡ് മഹീന്ദ്ര 53,479 യൂണിറ്റുകളുമായി മൂന്നാം സ്ഥാനത്ത് എത്തി.

ഹ്യുണ്ടായ് മോട്ടോർ ഇന്ത്യ 45,565 യൂണിറ്റുകളുമായി നാലാം സ്ഥാനത്താണ്. വളർച്ച ഉണ്ടായിട്ടും വിപണി വിഹിതത്തിൽ ചെറിയ കുറവ് രേഖപ്പെട്ടു. അഞ്ചാം സ്ഥാനത്ത് ടൊയോട്ട കിർലോസ്‌കർ മോട്ടോർ 26,407 യൂണിറ്റുകളുമായി എത്തി.

Kia India 24,994 യൂണിറ്റുകളുമായി ആറാം സ്ഥാനത്ത് തുടരുന്നു. സ്കോഡ ഓട്ടോയും ഫോക്സ്വാഗണും ചേർന്ന് 7,545 യൂണിറ്റ് വിൽപ്പന നടത്തി.

മറ്റു കമ്പനികളിൽ ഹോണ്ട കാർസ് ഇന്ത്യ 4,763 യൂണിറ്റ് (11% ഇടിവ്), എംജി മോട്ടോർ ഇന്ത്യ 4,538 യൂണിറ്റ് (6.2% ഇടിവ്) എന്നിങ്ങനെയാണ്. റെനോ ഇന്ത്യ 3,246 യൂണിറ്റുമായി 27.4% വളർച്ച നേടി.

കൂടാതെ നിസാൻ മോട്ടോർ ഇന്ത്യ1,618 യൂണിറ്റുകളും സിട്രോൺ ഇന്ത്യ 804 യൂണിറ്റുകളും വിറ്റു. ജീപ്പ് ഇന്ത്യ 203 യൂണിറ്റുകളുമായി വിപണിയിൽ തുടരുന്നു.

എസ്‌യുവികൾക്കും പുതിയ മോഡലുകൾക്കുമുള്ള ഉയർന്ന ആവശ്യം വിപണിയെ മുന്നോട്ട് നയിക്കുന്നു. ഈ വളർച്ച തുടർന്നാൽ 2026ൽ ഇന്ത്യൻ കാർ വിപണി പുതിയ റെക്കോർഡുകൾ സൃഷ്ടിക്കാനാണ് സാധ്യത.