Login 
പഠിക്കാം & സമ്പാദിക്കാം 
Home
12 April 2024 11:02 AM GMT
Summary
- ഇരുചക്രവാഹന വിപണിയില്‍ 13 ശതമാനം വളര്‍ച്ച
- വാഹന വിപണിയുടെ വളര്‍ച്ചയെ നയിച്ചത് പിവി വിഭാഗം
ഇന്ത്യയിലെ പാസഞ്ചര്‍ വാഹന മൊത്തവ്യാപാരം 2023-24 സാമ്പത്തിക വര്‍ഷത്തില്‍ 42,18,746 യൂണിറ്റുകള്‍ എന്ന റെക്കോര്‍ഡിലെത്തി. യൂട്ടിലിറ്റി വാഹനങ്ങള്‍ക്കുള്ള ശക്തമായ ഡിമാന്‍ഡിന്റെ പിന്‍ബലത്തില്‍ 8.4 ശതമാനം വളര്‍ച്ചയാണ് വര്‍ഷാവര്‍ഷം രേഖപ്പെടുത്തിയതെന്ന് വ്യവസായ സ്ഥാപനമായ സിയാം അറിയിച്ചു. 2022-23 സാമ്പത്തിക വര്‍ഷത്തില്‍ വില്‍പ്പന നടത്തിയ മാത്തം യാത്രാ വാഹനങ്ങള്‍ 38,90,114 യൂണിറ്റുകളായിരുന്നു വെന്ന് സൊസൈറ്റി ഓഫ് ഇന്ത്യന്‍ ഓട്ടോമൊബൈല്‍ മാനുഫാക്ചേഴ്സ് (സിയാം) പുറത്തുവിട്ട ഏറ്റവും പുതിയ കണക്കുകള്‍ പറയുന്നു.
2022-23 സാമ്പത്തിക വര്‍ഷത്തിലെ 1,58,62,771 യൂണിറ്റുകളെ അപേക്ഷിച്ച് ഇരുചക്ര വാഹന വില്‍പ്പന കഴിഞ്ഞ സാമ്പത്തിക വര്‍ഷം 13.3 ശതമാനം ഉയര്‍ന്ന് 1,79,74,365 യൂണിറ്റിലെത്തി.
2022-23 സാമ്പത്തിക വര്‍ഷത്തിലെ 2,12,04,846 യൂണിറ്റുകളില്‍ നിന്ന് അവലോകന കാലയളവിലെ വാഹന വില്‍പ്പന 12.5 ശതമാനം ഉയര്‍ന്ന് 2,38,53,463 യൂണിറ്റുകളായി.
2022-23 സാമ്പത്തിക വര്‍ഷത്തിലെ 2,12,04,846 യൂണിറ്റുകളില്‍ നിന്ന് അവലോകന കാലയളവിലെ വാഹന വില്‍പ്പന 12.5 ശതമാനം ഉയര്‍ന്ന് 2,38,53,463 യൂണിറ്റുകളായി.
എന്നിരുന്നാലും, കയറ്റുമതി 2023 സാമ്പത്തിക വര്‍ഷത്തില്‍ 47,61,299 യൂണിറ്റില്‍ നിന്ന് 5.5 ശതമാനം ഇടിഞ്ഞ് 45,00,492 യൂണിറ്റിലെത്തി.
42 ലക്ഷം യൂണിറ്റ് ആഭ്യന്തര വില്‍പ്പനയും 7 ലക്ഷം യൂണിറ്റ് കയറ്റുമതിയും ഉള്‍പ്പെടെ മൊത്തം വില്‍പ്പനയില്‍ 50 ലക്ഷം യൂണിറ്റിലെത്തിയ പാസഞ്ചര്‍ വാഹന വിഭാഗമാണ് വളര്‍ച്ചയെ നയിച്ചത്.
പിവി സെഗ്മെന്റില്‍, എസ്യുവികള്‍ ഉള്‍പ്പെടെയുള്ള യൂട്ടിലിറ്റി വാഹനങ്ങള്‍ 2023ലെ 20,03,718 യൂണിറ്റുകളില്‍ നിന്ന് 25.8 ശതമാനം വളര്‍ച്ച കൈവരിച്ചു. എന്നിരുന്നാലും, ഗ്രാമീണ സമ്പദ്വ്യവസ്ഥ പൂര്‍ണ്ണമായി വീണ്ടെടുക്കാത്തതിനാല്‍ പാസഞ്ചര്‍ കാറുകളുടെയും ഇരുചക്രവാഹനങ്ങളുടെയും എന്‍ട്രി ലെവല്‍ വിഭാഗങ്ങള്‍ വെല്ലുവിളികള്‍ അഭിമുഖീകരിക്കുന്നത് തുടരുന്നു.
