Nissan Plans Big India Comeback : ഇന്ത്യൻ വിപണിയിൽ നിസാൻ്റെ വലിയ പദ്ധതി: മൂന്ന് പുതിയ എസ്‌യുവികൾ എത്തുന്നു

ഇക്കഴിഞ്ഞ ഫെബ്രുവരിയിലെ വിൽപ്പന കണക്കുകൾ പുറത്തുവന്നപ്പോൾ നിസാൻ മോട്ടോർ ഇന്ത്യ മുൻ വർഷത്തെ അപേക്ഷിച്ച് 23 ശതമാനം വളർച്ച കൈവരിച്ചു. ഈ മുന്നേറ്റത്തിന് പ്രധാന കാരണമായി മാറിയത് പുതിയ നിസ്സാൻ മാഗ്നൈറ്റ് എസ്‌യുവിയുടെ മികച്ച വിൽപ്പനയാണ്. എന്നാല്‍ ഇതു തുടക്കം മാത്രമാണെന്നും അടുത്ത രണ്ട് വർഷത്തിനുള്ളിൽ മൂന്ന് പുതിയ എസ്‌യുവികൾ ഇന്ത്യൻ വിപണിയിൽ എത്തിക്കാനാണ് നിസാൻ പദ്ധതിയിടുന്നതെന്നും കമ്പനി വ്യക്തമാക്കി.

ടെക്‌ടെൺ – മിഡ് സൈസ് എസ്‌യുവി

നിസാന്റെ ഇന്ത്യൻ വിപണിയിലെ പ്രധാന മോഡലുകളിൽ ഒന്നായ Nissan Tecton ഈ വർഷം മധ്യത്തോടെ എത്തുമെന്നാണ് റിപ്പോർട്ടുകൾ. മിഡ് സൈസ് എസ്‌യുവി വിഭാഗത്തിലേക്ക് എത്തുന്ന ഈ മോഡലിന് ഹ്യുണ്ടായ് ക്രെറ്റ, മാരുതി സുസുക്കി ഗ്രാൻഡ് വിറ്റാര, കിയ സെൽറ്റോസ് എന്നിവയുമായി കടുത്ത മത്സരം ഉണ്ടാകും.

Nissan Patrol എസ്‌യുവിയിൽ നിന്നുള്ള പ്രചോദനത്തോടെ ബോക്സി ഡിസൈനിലാണ് ടെക്‌ടെൺ ഒരുക്കുന്നത്. 2026 മോഡൽ റെനോ ഡസ്റ്റർ പ്ലാറ്റ്‌ഫോമിനെ അടിസ്ഥാനമാക്കിയാണ് ഈ വാഹനം വരുന്നത്.

എഞ്ചിൻ ഓപ്ഷനുകൾ:

1.0 ലിറ്റർ 3 സിലിണ്ടർ ടർബോ പെട്രോൾ – 100 hp

1.3 ലിറ്റർ 4 സിലിണ്ടർ ടർബോ പെട്രോൾ – 163 hp

1.8 ലിറ്റർ സ്ട്രോങ് ഹൈബ്രിഡ്

ഗിയർബോക്‌സായി 6 സ്പീഡ് മാനുവൽ, 6 സ്പീഡ് ഡിസിടി എന്നിവ ലഭിക്കും. ഹൈബ്രിഡ് പതിപ്പിൽ 1.4 kWh ബാറ്ററിയും രണ്ട് ഇലക്ട്രിക് മോട്ടോറുകളും ചേർന്ന് 158 hp കരുത്തും 172 Nm ടോർക്കും നൽകും.

പ്രധാന ഫീച്ചറുകൾ:

10.1 ഇഞ്ച് ടച്ച്‌സ്‌ക്രീൻ ഇൻഫോടെയിൻമെന്റ്, 10.25 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്റർ, വയർലെസ് Android Auto / Apple CarPlay, ഓട്ടോമാറ്റിക് ക്ലൈമറ്റ് കൺട്രോൾ, ലെവൽ 2 ADAS.

പ്രതീക്ഷിക്കുന്ന വില: ₹11 ലക്ഷം മുതൽ ₹19 ലക്ഷം വരെ.

7 സീറ്റർ ത്രീ-റോ എസ്‌യുവി

അടുത്ത വർഷം ഇന്ത്യൻ വിപണിയിലെത്താൻ സാധ്യതയുള്ള മറ്റൊരു മോഡൽ 7 സീറ്റർ ത്രീ-റോ എസ്‌യുവിയാണ്. Renault അവതരിപ്പിക്കുന്ന Renault Boreal മോഡലിനെ അടിസ്ഥാനമാക്കിയാണ് ഇത് വരുന്നത്.

റെനോ-നിസാൻ കൂട്ടായ്മയുടെ RGMP (Renault Group Modular Platform) പ്ലാറ്റ്‌ഫോമിലാണ് ഈ വാഹനം നിർമ്മിക്കുക.

എഞ്ചിൻ ഓപ്ഷനുകൾ:

1.3 ലിറ്റർ ടർബോ പെട്രോൾ

1.8 ലിറ്റർ സ്ട്രോങ് ഹൈബ്രിഡ്

ഇന്ത്യൻ വിപണിയിൽ ഈ മോഡൽ ഹ്യുണ്ടായി അൽകാസർ, ടാറ്റ സഫാരി, മഹീന്ദ്ര XUV700, കിയ കാരെൻസ്, എംജി ഹെക്ടർ പ്ലസ് തുടങ്ങിയ മോഡലുകളുമായി മത്സരിക്കും.

പ്രതീക്ഷിക്കുന്ന വില ₹20 ലക്ഷം മുതൽ ₹30 ലക്ഷം വരെ.

ബ്രിഡ്ജർ അടിസ്ഥാനമാക്കിയുള്ള എസ്‌യുവി

നിസാൻ പുറത്തിറക്കാൻ സാധ്യതയുള്ള മൂന്നാമത്തെ മോഡൽ Renault Kardian / ബ്രിഡ്ജർ പ്ലാറ്റ്‌ഫോമിനെ അടിസ്ഥാനമാക്കിയുള്ള ബി സെഗ്മെന്റ് എസ്‌യുവിയായിരിക്കും. നാല് മീറ്ററിൽ താഴെ നീളമുള്ള ഈ വാഹനം ബോക്സി ഡിസൈനിലും ശക്തമായ റോഡ് പ്രസൻസോടെയുമാണ് എത്തുക.

പ്രധാന സവിശേഷതകൾ:

400 ലീറ്റർ ബൂട്ട് സ്പേസ്

200 mm ഗ്രൗണ്ട് ക്ലിയറൻസ്

1.2 ലിറ്റർ നാച്ചുറലി ആസ്പിറേറ്റഡ് എൻജിൻ

ടർബോ പെട്രോൾ എൻജിൻ ഓപ്ഷൻ

ഭാവിയിൽ ഇലക്ട്രിക് പതിപ്പും എത്താൻ സാധ്യതയുണ്ട്. 2027ൽ റെനോ മോഡൽ പുറത്തിറങ്ങിയ ശേഷമായിരിക്കും നിസാന്റെ പതിപ്പ് വിപണിയിലെത്തുക.