റെനോ ഇന്ത്യ കാറുകളുടെ വില വര്‍ധിപ്പിക്കുന്നു

റെനോ ഇന്ത്യ കാറുകളുടെ വില വര്‍ധിപ്പിക്കുന്നു. വര്‍ദ്ധിച്ചുവരുന്ന ഇന്‍പുട്ട് ചെലവുകളുടെ ആഘാതം നികത്തുന്നതിനായി ജനുവരി മുതല്‍ വാഹന വിലയില്‍ രണ്ട് ശതമാനം വരെ വര്‍ദ്ധനവ് വരുത്തുമെന്നാണ് കമ്പനി അറിയിച്ചത്.

ഫ്രഞ്ച് വാഹന നിര്‍മ്മാതാക്കള്‍ ഇന്ത്യന്‍ വിപണിയില്‍ ക്വിഡ്, ട്രൈബര്‍, കിഗര്‍ എന്നീ മൂന്ന് മോഡലുകളാണ് വില്‍ക്കുന്നത്.

'വില വര്‍ധനവ് മോഡലുകളിലും വകഭേദങ്ങളിലും വ്യത്യാസപ്പെട്ടിരിക്കും. വര്‍ദ്ധിച്ചുവരുന്ന ഇന്‍പുട്ട് ചെലവുകളും നിലവിലുള്ള മാക്രോ ഇക്കണോമിക് ഘടകങ്ങളും കാരണം ഇത് അനിവാര്യമാണ്,' വാഹന നിര്‍മ്മാതാക്കള്‍ പ്രസ്താവനയില്‍ പറഞ്ഞു.

ഉപഭോക്താക്കള്‍ക്ക് ആകര്‍ഷകമായ മൂല്യ നിര്‍ദ്ദേശം ഉറപ്പാക്കുന്നതിനൊപ്പം ഉയര്‍ന്ന നിലവാരമുള്ള ഉല്‍പ്പന്നങ്ങളും സേവനങ്ങളും നല്‍കുന്നതിനുള്ള പ്രതിബദ്ധതയില്‍ കമ്പനി ഉറച്ചുനില്‍ക്കുന്നതായും കമ്പനി കൂട്ടിച്ചേര്‍ത്തു.

മറ്റ് കമ്പനികളും വാഹന വില വര്‍ധിപ്പിക്കാനൊരുങ്ങുന്നു

യൂറോയ്ക്കെതിരെ രൂപയുടെ മൂല്യം ഇടിഞ്ഞതിനെത്തുടര്‍ന്ന്, മെഴ്സിഡസ് ബെന്‍സ്, ബിഎംഡബ്ല്യു, ഔഡി തുടങ്ങിയ വിവിധ ബ്രാന്‍ഡുകള്‍ അടുത്ത മാസം മുതല്‍ വാഹന വില വര്‍ധിപ്പിക്കുമെന്ന് പ്രഖ്യാപിച്ചിട്ടുണ്ട്.