Login 
പഠിക്കാം & സമ്പാദിക്കാം 
Home
2 April 2026 7:11 PM IST
Summary
പ്രമുഖ കാര് നിര്മ്മാതാക്കളായ ടാറ്റ മോട്ടോഴ്സ് മെയ് മാസത്തില് സിയറയുടെ ഇവി പതിപ്പ് വിപണിയില് അവതരിപ്പിക്കുമെന്ന് റിപ്പോര്ട്ട്
ഇന്ത്യയിലെ പ്രമുഖ കാര് നിര്മ്മാതാക്കളായ ടാറ്റ മോട്ടോഴ്സ് സിയറയുടെ ഇലക്ട്രിക് പതിപ്പ് മെയ് മാസത്തില് വിപണിയിലെത്തിക്കുമെന്ന് റിപ്പോര്ട്ടുകള് സൂചിപ്പിക്കുന്നു. രണ്ട് ബാറ്ററി പായ്ക്ക് ഓപ്ഷനുകളോടെയായിരിക്കും ഈ പുതിയ ഇവി എത്തുക എന്നാണ് പ്രതീക്ഷ.
ഐസിഇ പതിപ്പിൻ്റെ വിജയത്തിന് പിന്നാലെ
കഴിഞ്ഞ വര്ഷം നവംബറില് ടാറ്റ സിയറയുടെ ഐസിഇ പതിപ്പ് കമ്പനി വീണ്ടും അവതരിപ്പിച്ചിരുന്നു. 11.49 ലക്ഷം രൂപയാണ് (എക്സ്-ഷോറൂം) പ്രാരംഭ വിലയായി പ്രഖ്യാപിച്ചത്. പുറത്തിറങ്ങി നാലു മാസത്തിനുള്ളില് തന്നെ ഏകദേശം 20,000 യൂണിറ്റ് വില്പ്പന നേടിയത് സിയറയുടെ ജനപ്രീതി വ്യക്തമാക്കുന്നു.
ഡിസൈനില് മാറ്റങ്ങള് പ്രതീക്ഷ
മുന്പ് പുറത്തുവിട്ട ടീസര് വീഡിയോയില് സിയറ ഇവിയുടെ എക്സ്റ്റീരിയര് ഡിസൈന് കമ്പനി സൂചന നല്കിയിരുന്നു. ഐസിഇ മോഡലിനെ അപേക്ഷിച്ച് ഇവി പതിപ്പിന് വ്യത്യസ്തമായ ഫ്രണ്ട് ഫാസിയയുണ്ടാകും. ബ്ലാങ്ക്ഡ്-ഓഫ് ഗ്രില്, പുതുക്കിയ ഫ്രണ്ട് ബമ്പര്, പുനര്രൂപകല്പ്പന ചെയ്ത സ്കിഡ് പ്ലേറ്റ്, ട്വീക്ക്ഡ് ലൈറ്റിംഗ് സജ്ജീകരണം എന്നിവയാണ് പ്രധാന ഹൈലൈറ്റുകള്.
വിപണിയില് പ്രതീക്ഷ ഉയരുന്നു
വിസ്തൃതമായ ഇന്റീരിയര്, ആകര്ഷകമായ ഡിസൈന്, നിരവധി വേരിയന്റുകള് എന്നിവയാണ് സിയറ ഐസിഇ പതിപ്പിന്റെ പ്രധാന സവിശേഷതകള്. ഇതേ ഗുണങ്ങള് ഇവി പതിപ്പിലും ലഭ്യമാകുമെന്ന പ്രതീക്ഷയിലാണ് ഉപഭോക്താക്കള്. ഇന്ത്യയിലെ ഇലക്ട്രിക് വാഹന വിപണിയില് ടാറ്റ മോട്ടോഴ്സിന്റെ നില കൂടുതല് ശക്തിപ്പെടുത്താന് സിയറ ഇവിക്ക് കഴിയുമെന്നാണ് വിലയിരുത്തല്.