Login 
പഠിക്കാം & സമ്പാദിക്കാം 
Home
27 Oct 2025 8:46 AM IST
Summary
പുനരാരംഭിച്ചത് കൊല്ക്കത്തയ്ക്കും ചൈനയിലെ ഗ്വാങ്ഷോ നഗരത്തിനും ഇടയിലുള്ള സര്വീസ്
അഞ്ച് വര്ഷത്തോളം നീണ്ട ഇടവേളക്കുശേഷം ഇന്ത്യയില്നിന്നും ചൈനയിലേക്കുള്ള വിമാന സര്വീസ് പുനരാരംഭിച്ചു. കൊല്ക്കത്തയ്ക്കും ചൈനയിലെ ഗ്വാങ്ഷോ നഗരത്തിനും ഇടയിലുള്ള സര്വീസാണ് പുനരാരംഭിച്ചത്. നേതാജി സുഭാഷ് ചന്ദ്രബോസ് അന്താരാഷ്ട്ര വിമാനത്താവളത്തില് നിന്ന് ഞായറാഴ്ച രാത്രിയാണ് ആദ്യ വിമാനം പറന്നുയര്ന്നത്.
സ്വകാര്യ വിമാനക്കമ്പനിയായ ഇന്ഡിഗോയുടെ ആദ്യ സര്വീസില് 176 യാത്രക്കാരുണ്ടായിരുന്നു. അതേസമയം ഷാങഹായ്-ന്യൂഡെല്ഹി വിമാനം നവംബര് 9 മുതല് സര്വീസ് ആരംഭിക്കും. ആഴ്ചയില് മൂന്ന് വിമാനങ്ങളാണ് ഉണ്ടാകുക.
2020 ന്റെ തുടക്കം വരെ ഇരു രാജ്യങ്ങള്ക്കുമിടയില് നേരിട്ടുള്ള വിമാന സര്വീസുകള് പ്രവര്ത്തിച്ചിരുന്നു. പിന്നീട് കൊറോണ വൈറസ് പാന്ഡെമിക് കാരണം സര്വീസുകള് നിര്ത്തിവച്ചു. കൂടാതെ ലഡാക്കിലെ ഗാല്വന് താഴ് വരയിലുണ്ടായ സംഘര്ഷവും ഇരു രാജ്യങ്ങളും തമ്മിലുള്ള ബന്ധം കൂടുതല് വഷളാക്കി.
കൊല്ക്കത്തയില്നിന്ന് ഗ്വാങ്ഷൂവിലേക്ക് ദിവസേനയുള്ള നോണ്-സ്റ്റോപ്പ് സര്വീസുകളാണ്് ഇന്ഡിഗോ നടത്തുന്നത്.
ഇന്ത്യയും ചൈനയും തമ്മിലുള്ള പുതുക്കിയ സൗഹൃദത്തിന്റെയും സഹകരണത്തിന്റെയും പ്രതീകമായി, വിമാനത്താവളത്തില് ഒരു ചെറിയ ചടങ്ങ് നടന്നു, യാത്രക്കാരില് ഒരാള് ആചാരപരമായ വിളക്ക് കൊളുത്തി. എന്എസ്സിബിഐ എയര്പോര്ട്ട് ഡയറക്ടര് പിആര് ബ്യൂരിയ, എയര്പോര്ട്ട് അതോറിറ്റി ഓഫ് ഇന്ത്യ (എഎഐ), ഇന്ഡിഗോ എയര്ലൈന്സ് ഉദ്യോഗസ്ഥര് എന്നിവര് ചടങ്ങില് പങ്കെടുത്തു.
ഈ നേരിട്ടുള്ള റൂട്ടിന്റെ പുനരുജ്ജീവനം ബിസിനസ്, ടൂറിസം ബന്ധങ്ങള് ശക്തിപ്പെടുത്തുക മാത്രമല്ല, രണ്ട് പ്രധാന നഗരങ്ങള്ക്കിടയില് യാത്ര ചെയ്യുന്ന യാത്രക്കാര്ക്ക് കൂടുതല് സൗകര്യം നല്കുകയും ചെയ്യുമെന്ന് ബ്യൂരിയ പറഞ്ഞു.
കൊല്ക്കത്തയ്ക്കും ഗ്വാങ്ഷൂവിനും ഇടയിലുള്ള ദൈനംദിന നേരിട്ടുള്ള കണക്ഷന് പുനരാരംഭിക്കുന്നത് കിഴക്കന് ഇന്ത്യയിലെ ഒരു പ്രധാന അന്താരാഷ്ട്ര വ്യോമയാന കേന്ദ്രമെന്ന നിലയില് പശ്ചിമ ബംഗാള് തലസ്ഥാനത്തിന്റെ സ്ഥാനം കൂടുതല് ശക്തിപ്പെടുത്തുമെന്ന് അധികൃതര് പറഞ്ഞു.