യാത്രക്കാർക്ക് മുന്നറിയിപ്പുമായി വിമാനക്കമ്പനികൾ ; നിർത്തലാക്കിയിരിക്കുന്ന വിമാന സർവീസുകൾ ഏതൊക്കെ?

ഇസ്രായേൽ-ഇറാൻ യുദ്ധം വ്യോമയാന മേഖല താറുമാറാക്കിയിരിക്കുകയാണ്. ഇൻഡിഗോ, എയർ ഇന്ത്യ, എമിറേറ്റ്‌സ്, എയർ ഫ്രാൻസ് കെഎൽഎം, ഖത്തർ എയർവേയ്‌സ് , ലുഫ്താൻസ് തുടങ്ങിയ കമ്പനികൾ എല്ലാം വിമാനങ്ങൾ റദ്ദാക്കി. വർദ്ധിച്ചുവരുന്ന മിഡിൽ ഈസ്റ്റ് സംഘർഷം വ്യോമയാത്ര തടസ്സപ്പെടുത്തും എന്നതിനാൽ വ്യോമയാന കമ്പനികൾ യാത്രക്കാർക്ക് മുന്നറിയിപ്പ് നൽകിയിട്ടുണ്ട്. മാർച്ച് 2 ന് ഇൻഡിഗോ മാത്രം ഏകദേശം 200 വിമാനങ്ങളാണ് റദ്ദാക്കിയത്. ഇന്ത്യയിലെ ഏറ്റവും വലിയ വിമാനക്കമ്പനിയായ ഇൻഡിഗോ, മിഡിൽ ഈസ്റ്റ് വ്യോമാതിർത്തി ഉപയോഗിക്കുന്ന എല്ലാ വിമാന സർവീസുകളും നിർത്തിവെച്ച് വിമാനക്കമ്പനികൾ.

ദുബായിലേക്കും തിരിച്ചുമുള്ള എല്ലാ ഫ്ലൈറ്റ് സർവീസുകളും താൽക്കാലികമായി നിർത്തിവച്ചിരിക്കുന്നുതായി എമിറേറ്റ്സ് യാത്രക്കാരെ അറിയിച്ചു. വ്യോമാതിർത്തിയിലെ നിയന്ത്രണങ്ങൾ മൂലം എയർ ഇന്ത്യ, ഇൻഡിഗോ, ഖത്തർ എയർവേയ്‌സ്, എയർ ഫ്രാൻസ് കെഎൽഎം, ലുഫ്താൻസ തുടങ്ങിയ വിമാനക്കമ്പനികളും വിമാനങ്ങൾ റദ്ദാക്കിയിട്ടുണ്ട്.

യാത്രക്കാർ ശ്രദ്ധിക്കേണ്ടത് എന്തൊക്കെ?

സർവീസുകൾ പുനരാരംഭിക്കുമ്പോൾ യാത്രക്കാർക്ക് പകരം മറ്റൊരു സർവീസ് വീണ്ടും ബുക്ക് ചെയ്യാനാകും. 20 ദിവസം വരെ ഉദ്ദേശിച്ച ലക്ഷ്യസ്ഥാനത്തേക്ക് യാത്ര ചെയ്യാമെന്ന് എമിറേറ്റ്സ് യാത്രക്കാരെ അറിയിച്ചിട്ടുണ്ട് . ട്രാവൽ ഏജന്റിൽ നിന്നാണ് ഫ്ലൈറ്റ് ബുക്ക് ചെയ്തിരിക്കുന്നതെങ്കിൽ ഏജൻ്റുമാരെ ബന്ധപ്പെടാം. നേരിട്ട് ബുക്ക് ചെയ്തവർക്ക് ഓൺലൈനായി എമിറേറ്റ്സിൻ്റെ http://emirat.es/support എന്ന വെബ് ലിങ്കിലൂടെ ബന്ധപ്പെടാം. റീഫണ്ട് വേണ്ടവർക്ക് http://emirat.es/refund എന്ന വിലാസം ഉപയോഗിക്കാം.

മുന്നറിയിപ്പുമായി എയർ ഇന്ത്യയും

മിഡിൽ ഈസ്റ്റിലെ സാഹചര്യം കണക്കിലെടുത്ത്, യുഎഇ, സൗദി അറേബ്യ, ഇസ്രായേൽ, ഖത്തർ എന്നിവിടങ്ങളിലേക്കും തിരിച്ചുമുള്ള എല്ലാ വിമാനങ്ങളും റദ്ദാക്കിയതായി എയർ ഇന്ത്യ അറിയിച്ചു.

എൽ117: അമൃത്സർ -ബർമിംഗ്ഹാം

എൽ151/AI152: ഡൽഹി - സൂറിച്ച്

എൽ157/AI158: ഡൽഹി -കോപ്പൻഹേഗൻ

എൽ114: ബർമിംഗ്ഹാം - ഡൽഹി വിമാനങ്ങൾ ഇതിൽ ഉൾപ്പെടുന്നു.

വടക്കേ അമേരിക്കയിലേക്കും യൂറോപ്പിലേക്കുമുള്ള മറ്റെല്ലാ വിമാനങ്ങളും മിഡിൽ ഈസ്റ്റിലെ ലഭ്യമായ വ്യോമാതിർത്തികളിലൂടെ ബദൽ റൂട്ടിംഗുകൾ ഉപയോഗിച്ച് ഷെഡ്യൂൾ അനുസരിച്ച് സർവീസ് നടത്തുമെന്നാണ് കമ്പനി അറിയിച്ചിരിക്കുന്നത്. എന്നാൽ അധിക സമയം യാത്ര ചെയ്യേണ്ടി വരും. കൂടാതെ, ന്യൂയോർക്ക് (ജെഎഫ്‌കെ), ന്യൂവാർക്ക് (ലിബർട്ടി ഇന്റർനാഷണൽ) എന്നിവിടങ്ങളിലേക്കുള്ള വിമാനങ്ങൾക്കും യാത്രാ സമയം കൂടും.