Login 
പഠിക്കാം & സമ്പാദിക്കാം 
Home
9 Nov 2026 9:34 AM IST
Summary
എച്ച്എസ്ബിസി കാര്‍ഡ് ആപ്പിള്‍ വാലറ്റില്‍ ചേര്‍ത്താല്‍ ഫിസിക്കല്‍ കാര്‍ഡ് വഹിക്കാതെ തന്നെ ടാപ്പ് ചെയ്ത് പേയ്‌മെന്റ് നടത്താം
ആപ്പിള്‍ പേ ഇന്ത്യയില്‍ എത്തിയതിന് പിന്നാലെ ഐഫോണ്‍ ഉപയോക്താക്കള്‍ കാത്തിരുന്ന വലിയ വാര്‍ത്ത വരുന്നു. എച്ച്എസ്ബിസി ഇന്ത്യ ആപ്പിള്‍ പേയുടെ രണ്ടാമത്തെ ബാങ്കിംഗ് പങ്കാളിയാകാന്‍ ഒരുങ്ങുന്നു എന്നാണ് സൂചന. എച്ച്എസ്ബിസി ഇന്ത്യ ആപ്പിന്റെ ആപ്പ് സ്റ്റോര്‍ ലിസ്റ്റിംഗില്‍ 'വാലറ്റ്' പിന്തുണ പ്രത്യക്ഷമായതാണ് ഈ അഭ്യൂഹത്തിന് തുടക്കമിട്ടത്. ഒരു എക്‌സ് പോസ്റ്റാണ് ഇത് ആദ്യം ശ്രദ്ധിച്ചത്. ഇത് വെറും ലിസ്റ്റിംഗ് മാറ്റമല്ല - ബാങ്ക് ആപ്പിള്‍ വാലറ്റിലേക്ക് കാര്‍ഡ് ചേര്‍ക്കാന്‍ തയ്യാറെടുക്കുന്നു എന്നതിന്റെ ശക്തമായ സൂചനയാണ്.
ബിസിനസ് സ്റ്റാന്‍ഡേര്‍ഡിന്റെ റിപ്പോര്‍ട്ട് പ്രകാരം, എച്ച്എസ്ബിസി ഇന്ത്യ ഈ സാമ്പത്തിക വര്‍ഷാവസാനത്തോടെ ആപ്പിള്‍ പേയില്‍ ചേരാന്‍ സാധ്യതയുണ്ട്. പക്ഷേ ഇതുവരെ ആപ്പിളോ എച്ച്എസ്ബിസിയോ ഔദ്യോഗികമായി സ്ഥിരീകരിച്ചിട്ടില്ല. ആപ്പിളിന്റെ ഔദ്യോഗിക പേജില്‍ ഇപ്പോഴും ആക്‌സിസ് ബാങ്ക് മാത്രമേയുള്ളൂ. ആപ്പിള്‍ ഇടപാടിന് ഏകദേശം 0.2% ഫീസ് ആവശ്യപ്പെടുന്നതാണ് വലിയ ബാങ്കുകളുമായുള്ള ചര്‍ച്ചകള്‍ വൈകാന്‍ കാരണം. കോട്ടക് മഹീന്ദ്ര ബാങ്കും ഭാവിയില്‍ ചേരുമെന്ന് പറഞ്ഞിട്ടുണ്ട്. എച്ച്എസ്ബിസിക്ക് ഇന്ത്യയില്‍ 10.2 ലക്ഷം ക്രെഡിറ്റ് കാര്‍ഡുകള്‍ മാത്രമേയുള്ളൂ - ആക്‌സിസിന്റെ 1.63 കോടിയുമായി താരതമ്യം ചെയ്യുമ്പോള്‍ ചെറുതാണ്, പക്ഷേ പ്രീമിയം ഉപയോക്താക്കള്‍ക്ക് ഇത് വലിയ കാര്യമാണ്.
2026 സെപ്റ്റംബര്‍ 30-ന് ആരംഭിച്ച ആപ്പിള്‍ പേയില്‍ ഇപ്പോള്‍ ആക്‌സിസ് ബാങ്കിന്റെ വിസ, മാസ്റ്റര്‍കാര്‍ഡ് ക്രെഡിറ്റ് കാര്‍ഡുകള്‍ മാത്രമേ ചേര്‍ക്കാന്‍ കഴിയൂ. റുപേ കാര്‍ഡുകള്‍, ഡെബിറ്റ് കാര്‍ഡുകള്‍, യുപിഐ എന്നിവയ്ക്ക് പിന്തുണയില്ല. HDFC, ICICI, SBI കാര്‍ഡ് എന്നിവ ഇപ്പോഴും പുറത്താണ്. ഐഫോണ്‍ തഞനും മുകളിലുള്ള മോഡലുകളില്‍ iOS 18-ലും ആപ്പിള്‍ വാച്ച് സീരീസ് 6-ലും ഇത് പ്രവര്‍ത്തിക്കും. സ്റ്റോറുകളിലും ആപ്പുകളിലും ഓണ്‍ലൈനിലും ടാപ്പ് ചെയ്ത് പേ ചെയ്യാം.
എച്ച്എസ്ബിസി കാര്‍ഡ് ആപ്പിള്‍ വാലറ്റില്‍ ചേര്‍ത്താല്‍ ഫിസിക്കല്‍ കാര്‍ഡ് വഹിക്കാതെ തന്നെ ടാപ്പ് ചെയ്ത് പേയ്‌മെന്റ് നടത്താം. ഫേസ് ഐഡി / ടച്ച് ഐഡി / പാസ്‌കോഡ് വഴി സുരക്ഷ, യഥാര്‍ത്ഥ കാര്‍ഡ് നമ്പറിന് പകരം ഉപകരണ-നിര്‍ദ്ദിഷ്ട നമ്പര്‍ ഉപയോഗിക്കും എന്നതാണ് ആപ്പിളിന്റെ വാഗ്ദാനം. പക്ഷേ ഇപ്പോള്‍ എച്ച്എസ്ബിസി ഉപയോക്താക്കള്‍ ഈ ലിസ്റ്റിംഗിനെ ''സേവനം ലഭ്യമായി'' എന്ന് തെറ്റിദ്ധരിക്കരുത്. ഏത് കാര്‍ഡുകള്‍, എപ്പോള്‍ - എന്നത് ഔദ്യോഗിക പ്രഖ്യാപനം വരുന്നതുവരെ കാത്തിരിക്കണം. അമെക്‌സ് ആപ്പിലും വാലറ്റ് പിന്തുണ കണ്ടിട്ടുണ്ട്, അതുകൊണ്ട് അടുത്തത് HSBC മാത്രമായിരിക്കില്ല.