മണപ്പുറത്തിന്റെ 1,100 കോടി രൂപയുടെ എൻസിഡികൾ വാങ്ങി എൽഐസി

കൊച്ചി: സംസ്ഥാനത്തെ രണ്ടാമത്തെ വലിയ ഗോൾഡ് ഫിനാൻസ് കമ്പനിയായ മണപ്പുറം ഫിനാൻസ് അടുത്തിടെ പുറത്തിറക്കിയ 1,100 കോടി രൂപയുടെ നോൺ കൺവെർട്ടബിൾ ഡിബഞ്ചറുകൾ (എൻസിഡി) എൽഐസി വാങ്ങി.

ലൈഫ് ഇൻഷുറൻസ് ഭീമനായ എൽ ഐ സി-ക്കു ഒരു ലക്ഷം രൂപ മുഖവിലയുള്ള 1.10 ലക്ഷം എൻസിഡികൾ ഇഷ്യൂ ചെയ്തത് സ്വകാര്യ പ്ലെയ്‌സ്‌മെന്റ് മുഖേനയാണെന്ന് മണപ്പുറം നടത്തിയ ഫയലിംഗിൽ പറയുന്നു.

ബി‌എസ്‌ഇയുടെയും എൻ‌എസ്‌ഇയുടെയും ഡെറ്റ് സെഗ്‌മെന്റുകളിൽ ലിസ്റ്റ് ചെയ്യാൻ നിർദ്ദേശിക്കപ്പെടുന്ന 10 വർഷത്തെ കടപ്പത്രങ്ങൾക്ക് 9.22 ശതമാനം കൂപ്പൺ നിരക്ക് ഉണ്ട്, അത് വർഷം തോറും നൽകപ്പെടും.

എന്നിരുന്നാലും, വിശകലന വിദഗ്ധരുടെ ഏകദേശ കണക്കനുസരിച്ച്, ഇഷ്യൂ ചെലവുകൾ ഉൾപ്പെടെ എൻസിഡികളുടെ ഫലപ്രദമായ കൂപ്പൺ നിരക്ക് മണപ്പുറത്തിന് 10 ശതമാനത്തിലധികം വരും.

എന്നിരുന്നാലും, 10 വർഷത്തെ ദൈർഘ്യമേറിയ കാലയളവ് കണക്കിലെടുക്കുമ്പോൾ, എൻ‌സി‌ഡികളുടെ വില ഉയർന്നതായി കാണാനാകില്ല, പ്രത്യേകിച്ചും പലിശ നിരക്ക് ഉയർന്ന പാതയിലായിരിക്കുമ്പോൾ.

വരും പാദങ്ങളിൽ ഇത്തരം അനേകം എൻ സി ഡി-കൾക്ക് വിപണി സാക്ഷ്യം വഹിക്കുമെന്ന് സാമ്പത്തിക സേവന വ്യവസായ മേഖലയിലെ വിദഗ്ധർ മൈഫിന് പോയിന്റിനോട് പറഞ്ഞു: കാരണം മുന്നോട്ടു പോകും തോറും ബാങ്ക് ഫണ്ടിംഗിന്റെ ലഭ്യത കൂടുതൽ കടുപ്പമേറിയതും കൂടുതൽ ചെലവേറിയതുമായിത്തീറാൻ സാധ്യതയുണ്ട്.

കൂടാതെ, മുത്തൂറ്റ് ഫിനാൻസും മണപ്പുറവും വിദേശ വാണിജ്യ വായ്പകളിലൂടെ (ഇസിബി; ECB) സ്വരൂപിച്ച ഡോളർ കടമെടുത്തതിന്റെ വലിയൊരു ഭാഗം സമീപകാലത്ത് തിരിച്ചടച്ചിരുന്നു.

മാത്രമല്ല, മിക്ക നോൺ ബാങ്കിങ് ഫിനാൻസ് കമ്പനികളും (NBFC) അവരുടെ ബാധ്യതാ ബുക്കിൽ നിന്ന് അവരുടെ വാണിജ്യ പേപ്പറുകൾ (CPs) ലിക്വിഡേറ്റ് ചെയ്തിട്ടുണ്ട്.

മണപ്പുറത്തിന്റെ ഫണ്ടുകളുടെ ഉറവിടം വിശകലനം ചെയ്യുമ്പോൾ മനസ്സിലാക്കുന്നത് അതിന്റെ പ്രവർത്തന മൂലധന ഡിമാൻഡ് ലോണുകളും (WCDL) ക്യാഷ് ക്രെഡിറ്റും (CC) കഴിഞ്ഞ ഒരു വർഷത്തിനിടെ (ഡിസംബർ അവസാനം, 2022 വരെ) 7,199.5 കോടി രൂപയിൽ നിന്ന് 5,351.8 കോടി രൂപയായി കുറഞ്ഞു എന്നതാണ്. 2022 ഡിസംബർ 31 ലെ കണക്കനുസരിച്ച് വായ്പകൾ ഇതേ കാലയളവിൽ 5,035.6 കോടി രൂപയിൽ നിന്ന് 11,929.4 കോടി രൂപയായി ഇരട്ടിയിലധികം വർദ്ധിച്ചു.

അവലോകന കാലയളവിൽ അതിന്റെ പുസ്തകത്തിലെ എൻസിഡികളുടെയും ബോണ്ടുകളുടെയും മൂല്യം 7,592.6 കോടി രൂപയിൽ നിന്ന് 6,720.1 കോടി രൂപയായി കുറഞ്ഞു.

നേരത്തെ വിശദീകരിച്ചതുപോലെ, ഹ്രസ്വകാല ഫണ്ട് ആവശ്യങ്ങൾക്കായി സ്വർണ്ണ വായ്പ കമ്പനികൾ ആശ്രയിച്ചിരുന്നത് വാണിജ്യ പേപ്പറുകളായിരുന്നു; (സിപി; CP). 2022 ഡിസംബർ അവസാനത്തോടെ മണപ്പുറത്തിന്റെ സി പി=കൾ 1,490.1 കോടി രൂപയിൽ നിന്ന് 4.94 കോടിയായി കുറഞ്ഞു.

ഫണ്ടുകളുടെ ചെലവ് വർദ്ധിക്കുന്നു

അടുത്തിടെ അവസാനിച്ച മൂന്നാം പാദത്തിൽ (Q3) മണപ്പുറത്തിന്റെ അറ്റാദായം പാദാനുപാദം 3.9 ശതമാനം ഇടിഞ്ഞ് ഏകീകൃത അടിസ്ഥാനത്തിൽ 393.5 കോടി രൂപയായി.

അതേസമയം, ഇതേ കാലയളവിൽ ഫണ്ടിന്റെ ചെലവ് മുൻ പാദത്തിലെ 8.1 ശതമാനത്തിൽ നിന്ന്.ഉയർന്ന് 8.5 ശതമാനമായി.

മുൻ പാദത്തെ അപേക്ഷിച്ച് മൂന്നാം പാദത്തിൽ മാനേജ്‌മെന്റിന് കീഴിലുള്ള സ്വർണ്ണ ആസ്തികളും (എയുഎം; AUM) സ്വർണ്ണ ടണേജും (ഏകീകൃത അടിസ്ഥാനം) യഥാക്രമം 3 ശതമാനവും 4.5 ശതമാനവും ഇടിഞ്ഞപ്പോൾ, ഗോൾഡ് ഇതര AUM ഈ കാലയളവിൽ മികച്ച പ്രകടനം കാഴ്ചവച്ചു. അതാകട്ടെ, 15.6 ശതമാനം വളർച്ച നേടി 11,500 കോടി രൂപയിൽ നിന്ന് 13,300 കോടി രൂപയിലെത്തി.