Login 
പഠിക്കാം & സമ്പാദിക്കാം 
Home
21 May 2024 8:23 AM GMT
നാഗൗറിലെ നിര്‍മാണ കേന്ദ്രത്തിനായി ജെഎസ്ഡബ്ല്യു സിമന്റ് 3,000 കോടി രൂപ നിക്ഷേപിക്കും
MyFin Desk
Summary
- പുതിയ പ്ലാന്റില്‍ 18 മെഗാവാട്ട് വേസ്റ്റ് ഹീറ്റ് റിക്കവറി അധിഷ്ഠിത വൈദ്യുതി ഉല്‍പാദന സംവിധാനവും ഉണ്ടായിരിക്കും
- രാജസ്ഥാനില്‍ കമ്പനി നടത്തുന്ന ഏറ്റവും പ്രധാനപ്പെട്ട നിക്ഷേപങ്ങളിലൊന്നാണിതെന്ന് ജെഎസ്ഡബ്ല്യു സിമന്റ് മാനേജിംഗ് ഡയറക്ടര്‍ പാര്‍ത്ഥ് ജിന്‍ഡാല്‍ പറഞ്ഞു
- പ്രതിവര്‍ഷം 19 മെട്രിക് ടണ്‍ ഉല്‍പ്പാദന ശേഷിയുള്ള ജെഎസ്ഡബ്ല്യു സിമന്റ് 60 എംടിപിഎയുടെ ശേഷി കൈവരിക്കാന്‍ ലക്ഷ്യമിടുന്നു
രാജസ്ഥാനിലെ നാഗൗര്‍ ജില്ലയില്‍ സിമന്റ് നിര്‍മ്മാണ കേന്ദ്രം സ്ഥാപിക്കാന്‍ ഏകദേശം 3,000 കോടി രൂപ നിക്ഷേപിക്കാന്‍ പദ്ധതിയിടുന്നതായി ജെഎസ്ഡബ്ല്യു സിമന്റ് ചൊവ്വാഴ്ച അറിയിച്ചു. ഗ്രീന്‍ഫീല്‍ഡ്, ഇന്റഗ്രേറ്റഡ് ഫെസിലിറ്റി എന്നിവയ്ക്ക് കടവും ഇക്വിറ്റിയും ചേര്‍ത്തുള്ള ധനസഹായം നല്‍കുമെന്ന് കമ്പനി അറിയിച്ചു.
പുതിയ കേന്ദ്രത്തിലെ നിക്ഷേപത്തില്‍ 3.30 എംടിപിഎ (പ്രതിവര്‍ഷം ദശലക്ഷം ടണ്‍) വരെയുള്ള ക്ലിങ്കറൈസേഷന്‍ യൂണിറ്റും 2.50 എംടിപിഎ വരെയുള്ള ഗ്രൈന്‍ഡിംഗ് യൂണിറ്റും ഉള്‍പ്പെടുന്നതായി 24.25 ബില്യണ്‍ യുഎസ് ഡോളര്‍ ജെഎസ്ഡബ്‌ള്യു ഗ്രൂപ്പിന്റെ ഭാഗമായ ജെഎസ്ഡബ്‌ള്യു സിമന്റ്‌സിന്റെ പ്രസ്താവനയില്‍ പറയുന്നു.
പുതിയ പ്ലാന്റില്‍ 18 മെഗാവാട്ട് വേസ്റ്റ് ഹീറ്റ് റിക്കവറി അധിഷ്ഠിത വൈദ്യുതി ഉല്‍പാദന സംവിധാനവും ഉണ്ടായിരിക്കും.
ഈ പുതിയ പ്ലാന്റ് പ്രത്യക്ഷമായും പരോക്ഷമായും ആയിരത്തിലധികം തൊഴിലവസരങ്ങള്‍ സൃഷ്ടിക്കുമെന്നും ജെഎസ്ഡബ്ല്യു സിമന്റ് പറഞ്ഞു. ഖനികളില്‍ നിന്ന് നിര്‍മ്മാണ പ്ലാന്റിലേക്ക് ചുണ്ണാമ്പുകല്ല് കൊണ്ടുപോകുന്നതിനുള്ള 7 കിലോമീറ്റര്‍ ഓവര്‍ലാന്‍ഡ് ബെല്‍റ്റ് കണ്‍വെയര്‍, ചൂളയില്‍ ഇതര ഇന്ധനം ഉപയോഗിക്കുന്നതിനുള്ള ക്രമീകരണം എന്നിവയും നിക്ഷേപത്തില്‍ ഉള്‍പ്പെടുന്നു.
രാജസ്ഥാനില്‍ കമ്പനി നടത്തുന്ന ഏറ്റവും പ്രധാനപ്പെട്ട നിക്ഷേപങ്ങളിലൊന്നാണിതെന്ന് ജെഎസ്ഡബ്ല്യു സിമന്റ് മാനേജിംഗ് ഡയറക്ടര്‍ പാര്‍ത്ഥ് ജിന്‍ഡാല്‍ പറഞ്ഞു.
നഗൗറില്‍ കമ്പനിയുടെ സംയോജിത സിമന്റ് സൗകര്യം സ്ഥാപിക്കുന്നതിനുള്ള നിര്‍ദിഷ്ട നിക്ഷേപം, അടുത്ത ഏതാനും വര്‍ഷങ്ങള്‍ക്കുള്ളില്‍ ഒരു പാന്‍ ഇന്ത്യ ചുവട് വയ്പ്പ് കൈവരിക്കുന്നതിനുള്ള പാതയില്‍ ജെഎസ്ഡബ്‌ള്യു സിമന്റിനെ എത്തിക്കുമെന്നാണ് പ്രതീക്ഷിക്കുന്നത്. ഈ മേഖലയിലെ പുതിയ ശേഷി ഞങ്ങളുടെ ഉപഭോക്താക്കളുടെ സമൃദ്ധമായ ആവശ്യങ്ങള്‍ക്ക് സേവനം നല്‍കാന്‍ ഞങ്ങളെ പ്രാപ്തരാക്കുമെന്ന് കമ്പനി അഭിപ്രായപ്പെട്ടു.
പ്രതിവര്‍ഷം 19 മെട്രിക് ടണ്‍ ഉല്‍പ്പാദന ശേഷിയുള്ള ജെഎസ്ഡബ്ല്യു സിമന്റ് 60 എംടിപിഎയുടെ ശേഷി കൈവരിക്കാന്‍ ലക്ഷ്യമിടുന്നു.
നിലവില്‍ കര്‍ണാടകയിലെ വിജയനഗര്‍, ആന്ധ്രാപ്രദേശിലെ നന്ദ്യാല്‍, പശ്ചിമ ബംഗാളിലെ സാല്‍ബോണി, ഒഡീഷയിലെ ജാജ്പൂര്‍, മഹാരാഷ്ട്രയിലെ ഡോള്‍വി എന്നിവിടങ്ങളില്‍ നിര്‍മാണ യൂണിറ്റുകളുണ്ട്.
