ഹൈഡ്രജൻ ഉപഭോ​ഗം പ്രോത്സാഹിപ്പിക്കും: ഇന്ത്യൻ ബയോഗ്യാസ് അസോസിയേഷൻ

ഹൈഡ്രജനിൽ പ്രത്യേക ഊന്നൽ നൽകിക്കൊണ്ട് ജൈവ അധിഷ്ഠിത ഊർജ്ജ പരിഹാരങ്ങൾ പ്രോത്സാഹിപ്പിക്കുന്നതിനായി ഇന്ത്യൻ ബയോഗ്യാസ് അസോസിയേഷൻ (IBA) ഹൈഡ്രജൻ അസോസിയേഷൻ ഓഫ് ഇന്ത്യയുമായി (HAI) പങ്കാളിത്തം പ്രഖ്യാപിച്ചു.

രാജ്യത്തിനകത്ത് ഹരിത ഊർജ ഉൽപ്പാദനം പ്രോത്സാഹിപ്പിക്കുന്നതിനായി ഐബിഎയും എച്ച്എഐയും ധാരണാപത്രത്തിൽ ഒപ്പുവെച്ചതായി ഐബിഎ ചെയർമാൻ ഗൗരവ് കേഡിയ പറഞ്ഞു.

ഈ തന്ത്രപരമായ സഖ്യം, ഹൈഡ്രജനിൽ പ്രത്യേക ശ്രദ്ധ കേന്ദ്രീകരിച്ച് ജൈവ അധിഷ്‌ഠിത ഊർജ പരിഹാരങ്ങളുടെ പ്രോത്സാഹനവും പുരോഗതിയും ഉത്തേജിപ്പിക്കുന്നതിന് ലക്ഷ്യമിട്ടുള്ള പരിശീലനം, ശേഷി വർധിപ്പിക്കൽ എന്നിവയുൾപ്പെടെ സമഗ്രമായ നടപടികൾ സുഗമമാക്കും.

ഇന്ത്യയിലെ ഗ്രീൻ ഹൈഡ്രജൻ വിപണി 2030 ഓടെ മൊത്തം മൂല്യം 8 ബില്യൺ ഡോളറും 2050 ഓടെ 340 ബില്യൺ ഡോളറും കൈവരിക്കുമെന്ന് പ്രവചിക്കപ്പെടുന്നു, കെഡിയ അറിയിച്ചു.

ഇറക്കുമതി ചെയ്ത ഊർജ സ്രോതസ്സുകളിൽ രാജ്യം ആശ്രയിക്കുന്നത് കുറയ്ക്കുക എന്ന ലക്ഷ്യത്തോടെ, സുസ്ഥിര ഊർജ സംരംഭങ്ങൾ മുന്നോട്ട് കൊണ്ടുപോകുന്നതിനുള്ള സംയുക്ത ശ്രമങ്ങളോടുള്ള പ്രതിബദ്ധതയാണ് ധാരണാപത്രം അടയാളപ്പെടുത്തുന്നത്.

ഇന്ത്യൻ ബയോഗ്യാസ് അസോസിയേഷൻ ബയോഗ്യാസ് വ്യവസായത്തിൻ്റെ പുരോഗതിക്കായി പ്രതിജ്ഞാബദ്ധമായി തുടരുമ്പോൾ, ഹൈഡ്രജൻ മേഖലയിലെ വൈവിധ്യമാർന്ന വ്യവസായങ്ങളിൽ മുഴുവനായും വ്യാപിച്ചുകിടക്കുന്ന സമഗ്രമായ സേവനങ്ങൾ നൽകുന്നതിനും പ്രധാന പങ്കാളികൾക്ക് അനുയോജ്യമായ പരിഹാരങ്ങൾ തേടുന്നതിനും ഹൈഡ്രജൻ അസോസിയേഷൻ ഓഫ് ഇന്ത്യ പ്രതിജ്ഞാബദ്ധമാണ്.

മലിനീകരണ രഹിത ഇന്ധന സ്രോതസ്സുകൾ സ്വീകരിക്കുന്നതിന് കൂടുതൽ കർശനമായ നിയന്ത്രണങ്ങൾ നടപ്പിലാക്കുന്നതിനായി ലോകമെമ്പാടുമുള്ള സർക്കാർ ശ്രമങ്ങളുടെ അടിസ്ഥാനത്തിൽ, 2050-ഓടെ ഇത് 80 ദശലക്ഷം മെട്രിക് ടണ്ണായി വർദ്ധിപ്പിക്കുമെന്ന് പ്രവചനങ്ങൾ സൂചിപ്പിക്കുന്നു. ഈ പങ്കാളിത്തത്തിന് ഹൈഡ്രജനെ കൂടുതൽ പ്രോത്സാഹിപ്പിക്കാനും കഴിയും , കെഡിയ പറഞ്ഞു.