9 മാസത്തിനുള്ളിൽ ഒരു കോടി രൂപ; മൂന്നാറില്‍ ഹിറ്റായി കെഎസ്ആർടിസി റോയല്‍ വ്യൂ ഡെബിള്‍ ഡെക്കര്‍

മൂന്നാറിലെത്തുന്ന വിനോദസഞ്ചാരികള്‍ക്കായി ആരംഭിച്ച കെഎസ്ആര്‍ടിസിയുടെ റോയല്‍ വ്യൂ ഡബിള്‍ ഡെക്കര്‍ സര്‍വീസ് വന്‍ ഹിറ്റ്. ഫെബ്രുവരി 8ന് തുടക്കം കുറിച്ച സര്‍വീസിന് ഒന്‍പത് മാസത്തിനിടെ 1 കോടി 74 ലക്ഷം രൂപയുടെ വരുമാനമാണ് ലഭിച്ചത്.

യാ​ത്ര​ക്കാ​ർ​ക്ക് മൂന്നാറിന്റെ കാ​ഴ്ച​ക​ൾ തടസ്സമില്ലാതെ ആ​സ്വ​ദി​ക്കാ​ൻ ക​ഴി​യു​ന്ന ത​ര​ത്തി​ൽ പൂ​ർ​ണ​മാ​യും സു​താ​ര്യ​മാ​യ രീ​തി​യി​ലാ​ണ് ബ​സ് സ​ജ്ജീക​രി​ച്ചി​ട്ടു​ള്ള​ത്. ബ​സി​ന്‍റെ മു​ക​ൾ ഭാ​ഗ​ത്തും ബോ​ഡി ഭാ​ഗ​ങ്ങ​ളി​ലും ഘ​ടി​പ്പി​ച്ചി​ട്ടു​ള്ള ഗ്ലാ​സ് പാ​ന​ലു​ക​ൾ വ​ഴി ടൂ​റി​സ്റ്റു​ക​ൾ​ക്ക് കാ​ഴ്ച ആ​സ്വ​ദി​ക്കാം. മു​ക​ൾ നി​ല​യി​ൽ 38 പേ​ർ​ക്കും താ​ഴ​ത്തെ നി​ല​യി​ൽ 12 പേ​ർ​ക്കു​മാ​യി മൊ​ത്തം 50 സ​ഞ്ചാ​രി​ക​ൾ​ക്ക് ഒ​രു സ​മ​യം യാ​ത്ര ചെ​യ്യാം.

മൂന്നാര്‍ ഡിപ്പോയില്‍ നിന്നാരംഭിച്ച് കൊച്ചി-ധനുഷ് കോടി ദേശീയപാതയിലെ സിഗ്‌നല്‍ പോയിന്റ്, ലാക്കാട് വ്യൂ പോയിന്റ്, ഗ്യാപ് റോഡ് വഴി പെരിയ കനാല്‍ വെള്ളച്ചാട്ടം കണ്ട് തിരിച്ചെത്തുന്നതാണ് യാത്ര. 3 മണിക്കൂര്‍ നീളുന്നതാണ് ഒരു ട്രിപ്. മ്യൂ​സി​ക്ക്​ സി​സ്റ്റ​മ​ട​ക്കമുള്ള സൗകര്യങ്ങൾ ബ​സി​ലു​ണ്ട്. യാ​ത്രാ​വേ​ള​യി​ൽ ശു​ദ്ധ​ജ​ലം, ല​ഘു​ഭ​ക്ഷ​ണ​ങ്ങ​ൾ, പാ​നീ​യ​ങ്ങ​ൾ തു​ട​ങ്ങി​യ​വ ല​ഭ്യ​മാ​കു​ന്ന​തി​നും അ​ത്യാ​വ​ശ്യ​ഘ​ട്ട​ങ്ങ​ളി​ൽ മൊ​ബൈ​ൽ ചാ​ർ​ജി​ങ് ന​ട​ത്താ​നു​മുള്ള സൗകര്യവുമുണ്ട്.

എങ്ങനെ ബുക്ക് ചെയ്യാം?

കെ.എസ്.ആർ.ടി.സി വെബ്സൈറ്റിലൂടെയും ആപ്പിലൂടെയും ബുക്ക് ചെയ്യാം. 'Munnar Royal View Double ഡെക്കർ' എന്ന് സെർച്ച് ചെയ്താൽ ബസ് ബുക്കിങ് കാണാം.

യാത്രാനിരക്ക്

മുകൾ നിലയിൽ 400 രൂപയും താഴത്തെ നിലയിൽ 200 രൂപയുമാണ് ടിക്കറ്റ് നിരക്ക്.

റോയല്‍ വ്യൂ സമയക്രമീകരണം

09:00 AM

12:30 PM

16:00 PM