വിലയെ ആധാരമാക്കുന്ന അഡ് വലോറം ടാക്‌സ്‌

അഡ് വലോറം ടാക്സ് എന്നാല്‍ ഒരു വസ്തുവിന്റെ വിലയെ (Assessed value)
അടിസ്ഥാനമാക്കി നിര്‍ണയിക്കുന്നതാണ്. ഏറ്റവും പ്രധാനപ്പെട്ട അഡ് വലോറം
എന്നു പറയുന്നത് വീട്/ വസ്തുക്കളുടെ മേല്‍ ചുമത്തുന്ന നികുതിയാണ്. ഇവിടെ
വസ്തുക്കളുടെ വ്യാപ്തിയ്ക്ക്/ അളവിന് (Volume/ Quantity) അടിസ്ഥാനമായല്ല നികുതി
നിര്‍ണയിക്കുന്നത്, പകരം വിലയെ ആധാരമാക്കിയാണ്.

അഡ് വലോറം എന്നതിനര്‍ത്ഥം 'according to value' എന്നാണ്. വസ്തുവിന്റെ വില ഓരോ വര്‍ഷവും കണക്കാക്കുകയും, അതിന്റെ അടിസ്ഥാനത്തില്‍ നികുതി ഈടാക്കുകയും
ചെയ്യുന്നു. എന്നാല്‍ പല നികുതികളും ക്രയവിക്രയവുമായി ബന്ധപ്പെട്ടതാണ്. എത്ര
തവണ ക്രയവിക്രയം ചെയ്യപ്പെടുന്നു എന്നതിനെ ആശ്രയിച്ചാണ് അവിടെ നികുതി
തീരുമാനിക്കുന്നത്. ഉദാഹരണത്തിന്, ഓഹരി ക്രയവിക്രയ നികുതി (Securities
Transaction Tax), വില്‍പ്പന നികുതി (Sales Tax), എന്നിവ. ഇവയില്‍ നിന്ന് വ്യത്യസ്തമാണ് അഡ് വലോറം.