ഡൈവേര്‍ജന്‍സ് എന്നാൽ എന്ത്?

ഒരു ആസ്തിയുടെ വില സാങ്കേതിക സൂചകത്തിന്റെ (ഉദാഹരണമായി ഓസിലേറ്റര്‍) വിപരീത ദിശയിലേക്ക് നീങ്ങുന്നതിനെ ഡൈവേര്‍ജന്‍സ് (divergence) എന്നു പറയുന്നു. ഡൈവേര്‍ജന്‍സുകള്‍ രണ്ടു തരത്തിലുണ്ട്- പോസിറ്റീവ് ആന്‍ഡ് നെഗറ്റീവ്. ആസ്തികളുടെ വിപണിയിലെ വില ഉയര്‍ന്നു നില്‍ക്കുകയും സൂചകങ്ങളില്‍ അത് കുറഞ്ഞു വരുകയും ചെയ്യുന്നതിനെയാണ് നെഗറ്റീവ് ഡൈവേര്‍ജന്‍സ് എന്നു പറയുന്നത്. ഇതിന്റെ അര്‍ത്ഥം വിപണിയിലെ വില കുറഞ്ഞേക്കാമെന്നതാണ്. വ്യാപാരികള്‍ക്ക് അവരുടെ ആസ്തികള്‍ വിറ്റ് ലാഭമെടുക്കണോ എന്ന് ഈ സമയം തീരുമാനിക്കാം.

പോസിറ്റീവ് ഡൈവേര്‍ജന്‍സ് ഇതിന്റെ വിപരീതമാണ്. വിപണിയില്‍ ആസ്തികളുടെ വില താഴേക്ക് പോകുമ്പോഴും സൂചകങ്ങളില്‍ തിരിച്ചു വരവിന്റെ ലക്ഷണങ്ങള്‍ കാണിക്കുന്നുവെങ്കില്‍ ഇതിനെ പോസിറ്റീവ് ഡൈവേര്‍ജന്‍സ് എന്നു പറയാം. ഇത് ആസ്തികളുടെ വിലയില്‍ ഉയര്‍ച്ച സാധ്യമാണെന്നും, നെഗറ്റീവ് ഡൈവേര്‍ജന്‍സ് വിലത്തകര്‍ച്ചയ്ക്ക് സാധ്യതയുണ്ടെന്നും സൂചിപ്പിക്കുന്നു.