ഗുലാത്തി ഇന്‍സ്റ്റിറ്റ്യൂട്ട് ജിഎസ്ടി കോഴ്സിന്‍റെ അപേക്ഷ തീയതി നീട്ടി

കേരള സര്‍ക്കാരിന്‍റെ സ്വയം ഭരണ സ്ഥാപനമായ ഗുലാത്തി ഇന്‍സ്റ്റിറ്റ്യൂട്ട് ഓഫ് ഫിനാന്‍സ് ആന്‍റ് ടാക്സേഷന്‍ (GIFT) തൊഴിലധിഷ്ടിതമായ പോസ്റ്റ് ഗ്രാജ്വേറ്റ് ഡിപ്ലോമ ഇന്‍ ജിഎസ്ടി (PGD-GST) കോഴ്സിന് അപേക്ഷിക്കുന്നതിനുള്ള അവസാന തീയതി ജൂണ്‍ 15 വരെ ദീര്‍ഘിപ്പിച്ചു. കോഴ്സിന്‍റെ അടിസ്ഥാന യോഗ്യത അംഗീക്യത സര്‍വ്വകലാശാല ബിരുദമാണ്. അവസാന വര്‍ഷ ബിരുദ വിദ്യാര്‍ത്ഥികള്‍ക്കും അപേക്ഷിക്കാവുന്ന ഒരു വര്‍ഷത്തെ ഈ കോഴ്സില്‍ 180 മണിക്കൂര്‍ പരിശീലനമാണ് (ക്ലാസ്റൂം ഓണ്‍ലൈന്‍/ഓഫ്ലൈന്‍ ഹൈബ്രിഡ്) ഉള്‍പ്പെടുത്തിയിട്ടുള്ളത്. നികുതി പ്രാക്ടീഷണര്‍മാര്‍, അക്കൗണ്ടന്‍റുമാര്‍, നിയമവിദഗ്ദ്ധര്‍, വിദ്യാര്‍ത്ഥികള്‍, അദ്ധ്യാപകര്‍, ഉദ്യോഗസ്ഥര്‍ എന്നിവരെ ഉദ്ദേശിച്ചാണ് ഈ കോഴ്സ് തുടങ്ങിയിരിക്കുന്നത്.

ജി.എസ്.ടി നിയമം, ചട്ടം, അക്കൗണ്ടിംഗ് എന്നിവയില്‍ നൈപുണ്യം നേടുന്നതിനും, ടാക്സ് പ്രൊഫഷണല്‍ ആകുന്നതിലേക്കുമുള്ള വൈദഗ്ധ്യം നേടുന്നതിനും സഹായകരമാകുന്ന രീതിയിലാണ് ഈ കോഴ്സ് വിഭാവന ചെയ്തിരിക്കുന്നത്. ജിഎസ്ടിയിലും അക്കൗണ്ടിങ്ങിലും നൈപുണ്യം ലഭിക്കുന്നതിനായി പ്രത്യേക പരിശീലനവും നല്‍കിവരുന്നു. വിദ്യാര്‍ത്ഥികള്‍, സര്‍ക്കാര്‍ - അര്‍ദ്ധസര്‍ക്കാര്‍, പൊതുമേഖലാ ജീവനക്കാര്‍, പ്രവാസികള്‍, റിട്ടയര്‍ ചെയ്തവര്‍, മുതിര്‍ന്ന പൗരന്മാര്‍ എന്നിവര്‍ ഉള്‍പ്പെട്ട 14 വിഭാഗങ്ങള്‍ക്ക് ഫീസില്‍ ആകര്‍ഷകമായ ഇളവുകളും ലഭ്യമാണ്. കോഴ്സിന്‍റെ സിലബസ്, ഫീസ് തുടങ്ങിയ വിവരങ്ങള്‍ ഗിഫ്റ്റ് വെബ്സൈറ്റില്‍ (www.gift.res.in) ലഭ്യമാണ്. ഹെല്‍പ്പ്ലൈന്‍ നമ്പര്‍: 04712596970, Mob : 9746972011, 9349727106, 9995446032 അപേക്ഷകള്‍ സമര്‍പ്പിക്കേണ്ട അവസാന തീയതി 2026 ജൂണ്‍ 15.