Suzuki Access ABS-സുസുക്കി ആക്സസിന് ഇനി എബിഎസ് പതിപ്പ്; സുരക്ഷയ്ക്ക് കൂടുതൽ കരുത്ത്

ഇന്ത്യയിലെ ഏറ്റവും ജനപ്രിയ സ്കൂട്ടറുകളിലൊന്നായ സുസുക്കി ആക്സസിന്റെ എബിഎസ് പതിപ്പ് വിപണിയിലെത്തി. സുരക്ഷയ്ക്ക് മുൻഗണന നൽകുന്ന സിംഗിൾ ചാനൽ എബിഎസ് സംവിധാനമാണ് പുതിയ മോഡലിൽ ഉൾപ്പെടുത്തിയിരിക്കുന്നത്. ഡൽഹി എക്സ്-ഷോറൂം വില 92,328 രൂപ മുതൽ ആരംഭിക്കുന്ന ആക്സസ് എബിഎസ്, അടിയന്തര സാഹചര്യങ്ങളിൽ പെട്ടെന്ന് ബ്രേക്ക് പ്രയോഗിക്കുമ്പോൾ ചക്രങ്ങൾ ലോക്ക് ആകുന്നത് തടയാൻ സഹായിക്കും.

മഴക്കാലത്ത് നനഞ്ഞ റോഡുകളിലും ഗ്രിപ്പ് കുറഞ്ഞ പ്രതലങ്ങളിലും വാഹനം തെന്നിമാറാതെ നിയന്ത്രിക്കാൻ എബിഎസ് റൈഡറെ സഹായിക്കുന്നു. എബിഎസ് ഒരു സുരക്ഷാ സംവിധാനമാണെങ്കിലും, സുരക്ഷിതമായ ഡ്രൈവിംഗ് ശീലങ്ങൾ അനിവാര്യമാണെന്ന് സുസുക്കി ഓർമ്മിപ്പിക്കുന്നു.

രണ്ട് പ്രധാന പതിപ്പുകളിലാണ് സുസുക്കി ആക്സസ് എബിഎസ് ലഭ്യമാകുന്നത്. മെറ്റാലിക് മാറ്റ് ബ്ലാക്ക്, മെറ്റാലിക് മാറ്റ് സ്റ്റെല്ലർ ബ്ലൂ, പേൾ ഗ്രേസ് വൈറ്റ്, സോളിഡ് ഐസ് ഗ്രീൻ, പേൾ ഷൈനി ബീജ് എന്നീ അഞ്ച് നിറങ്ങളിലാണ് ഇത് അവതരിപ്പിച്ചിരിക്കുന്നത്.

സ്മാർട്ട്ഫോൺ കണക്റ്റിവിറ്റിയുള്ള റൈഡ് കണക്ട് എഡിഷനുകളിൽ നാവിഗേഷൻ, കോൾ, എസ്എംഎസ് അലർട്ടുകൾ തുടങ്ങിയ സൗകര്യങ്ങളും ലഭ്യമാകും.