സർവകാല നേട്ടത്തിൽ നിന്ന് 10% ഇടിവ് നേരിടുന്ന എൽ&ടി ടെക്|നിരീക്ഷിക്കേണ്ട ടെക്നിക്കൽ ലെവലുകളിവ..

ശക്തമായ ഇടിവ് മിഡ്ക്യാപ് മേഖല നേരിടുകയും ബ്രോഡർ മാർക്കറ്റിൽ ഐടി ഓഹരികളുടെ ഗ്ലിച് പടരുകയും ചെയ്ത ഇന്നത്തെ വിപണിയിൽ മിഡ്ക്യാപ് ടെക് ഓഹരി എൽ&ടി ടെക്നൊളജി സർവീസസ് 3 ശതമാനത്തിലധികം താഴ്ന്നു. കഴിഞ്ഞ ആഴ്ചയിൽ 2% നേട്ടം ഓഹരി നൽകിയിരുന്നു. 5100 രൂപയുടെ താഴ്ചയാണ് പോയ വാരത്തിൽ ഓഹരികൾ നേരിട്ടത്.

ഇന്നത്തെ വ്യാപാരത്തിൽ 3.65% ഇടിവോടെ 5190.55 രൂപയിലാണ് എൽ&ടി ടെക് ഓഹരികൾ വ്യാപാരം അവസാനിപ്പിച്ചത്. ഓഹരികളുടെ നിർണായക പിന്തുണയായ 5200 രൂപക്ക് താഴെയാണ് ഓഹരികൾ എന്ന് വിദഗ്ദ്ധർ ചൂണ്ടിക്കാട്ടുന്നു. ഈ ആഴ്ചയിൽ നിരീക്ഷിക്കാവുന്ന മറ്റൊരു സുപ്രധാന പിന്തുണ 4,980 രൂപയാണ്. തുടർന്ന് 4,860 - 4900 രൂപയും നിരീക്ഷിക്കാം. ഇത് ഫിബോനാക്കി റീട്രെസ്‌മെന്റിന്റെ 50% പിന്തുണ കൂടിയാണ്. ശക്തമായ ഒരു ബ്രേക്ഔട്ട് ഓഹരികൾക് ലഭിക്കണമെങ്കിൽ 5,538 രൂപയുടെ പ്രതിരോധം മറികടക്കേണ്ടതുണ്ട്. ഓഹരിയുടെ 52 ആഴ്ചയിലെ ഉയർന്ന നിലവാരം 5678 രൂപയാണ്. തുടർന്നുള്ള ട്രേഡിങ്ങ് സെഷനുകളിലും ഓഹരികിൽ ശ്രദ്ധിക്കേണ്ട റേഞ്ച് 4,860 - 5,538 രൂപയാണ്. ഡെയിലി ചാർട്ടിൽ 200 ഡേ മൂവിങ് ആവറേജ് 4768 രൂപയാണ്.

ടാറ്റ കൺസൾട്ടൻസി, ഇൻഫോസിസ് എന്നിവയാണ് നിഫ്റ്റി ഐടി സൂചികയിൽ ഇടിവ് നേരിടുന്ന മറ്റു ഓഹരികൾ. 4.22% ഇടിവ് ടാറ്റ കൺസൾട്ടൻസിയും 2.57% ഇടിവ് ഇൻഫോസിസും ക്ലോസിങ് അടിസ്ഥാനത്തിൽ രേഖപ്പെടുത്തി. നിഫ്റ്റി ഐടി സൂചിക 2.9% ഇടിവ് നേരിടുകയും സൂചികയിൽ മുഴുവൻ ഓഹരികളും ചുവപ്പിൽ അവസാനിക്കുകയും ചെയ്തു.

ബാധ്യതാ നിരാകരണം: ഈ ലേഖനം വിജ്ഞാനാവശ്യത്തിനും വിവരവിതരണത്തിനും മാത്രമായി തയാറാക്കിയിട്ടുള്ളതാണ്. നിക്ഷേപ ശുപാര്‍ശയല്ല. ഓഹരി നിക്ഷേപം വിപണിയുടെ ലാഭ നഷ്ട സാധ്യതകള്‍ക്ക് വിധേയമാണ്. ഓഹരി വിപണിയില്‍ നിക്ഷേപിക്കും മുമ്പെ അംഗീകൃത സാമ്പത്തിക വിദഗ്ധന്റെ സേവനം തേടേണ്ടതാണ്. നിക്ഷേപങ്ങളിലൂടെയുണ്ടാകുന്ന നഷ്ടങ്ങള്‍ക്ക് ലേഖകനോ മൈഫിന്‍ പോയിന്റിനോ ഉത്തവരാദിത്തം ഉണ്ടായിരിക്കുന്നതല്ല