താരിഫ് ഭീഷണി ഓഹരി വിപണിയെ പിടിച്ചുലച്ചു; വോഡഫോൺ ഐഡിയക്ക് എജിആർ കേസ് തിരിച്ചടി!

ഇന്ന് വിപണിയിലെ ദുർബലമായ ഓപ്പണിങ്ങിന് ശേഷം ഉച്ച സമയത്തും ഇന്ത്യൻ ഓഹരികൾ കനത്ത സമ്മർദ്ദത്തിലായി. അമേരിക്ക ചൈനക്കെതിരെ വീണ്ടും താരിഫ് ഭീഷണി ഉയർത്തിയത് ആഗോളതലത്തിൽ നിക്ഷേപകരുടെ റിസ്ക് എടുക്കാനുള്ള താൽപ്പര്യം കുറച്ചു. ടാറ്റാ ക്യാപിറ്റലിന്റെ ഐപിഒ ലിസ്റ്റിംഗും പ്രധാന കമ്പനികളുടെ വരുമാന റിപ്പോർട്ടുകൾ വരാനിരിക്കുന്നതും നിക്ഷേപകരെ ജാഗ്രതയിലാക്കി.

വിപണിയിലെ നിലവിലെ അവസ്ഥ എന്താണ്

രാവിലെ 11:45-ന്, നിഫ്റ്റി 50 ഏകദേശം 0.3% ഇടിഞ്ഞ് 25,200 ലെവലിന് താഴെയായി. അതേസമയം, സെൻസെക്‌സ് ഏകദേശം 300 പോയിന്റ് ഇടിഞ്ഞ് 82,250-ലെവലിന് അടുത്തും എത്തി. വിപണിയിലെ ഈ പ്രവണത മറ്റ് സൂചികകളിലും പ്രതിഫലിച്ചു. ബിഎസ്ഇ മിഡ്‌ക്യാപ്, സ്‌മോൾക്യാപ് സൂചികകൾ ഏകദേശം 0.5% വീതം ഇടിഞ്ഞതോടെ മൊത്തത്തിൽ ലാഭമെടുക്കൽ നടന്നു.

എല്ലാ പ്രധാന മേഖലാ സൂചികകളും നഷ്ടത്തിലാണ് വ്യാപാരം ചെയ്തത്. ഐടി, ഓയിൽ & ഗ്യാസ്, കാപിറ്റൽ ഗുഡ്‌സ് മേഖലകളാണ് ഇടിവിന് തുടക്കമിട്ടത്. ഈ മേഖലകൾ ഏകദേശം ഒരു ശതമാനം വീതം ഇടിഞ്ഞു. ടാറ്റാ ക്യാപിറ്റൽ ഇഷ്യൂ വിലയായ 326 രൂപയിൽ നിന്ന് 1.23 ശതമാനം നേരിയ പ്രീമിയത്തിൽ ലിസ്റ്റ് ചെയ്‌തെങ്കിലും നിക്ഷേപകർ ജാഗ്രത പുലർത്തുന്നു. ആഗോളതലത്തിലെ അനിശ്ചിത്വമാണ് കാരണം.

വോഡഫോൺ ഐഡിയയിൽ ഇടിവ്

കടബാധ്യത മൂലം വലയുന്ന ടെലികോം കമ്പനിയായ വോഡഫോൺ ഐഡിയ ഓഹരികൾ ഏകദേശം ശതമാനം ഇടിഞ്ഞ് 8.87-രൂപയിൽ എത്തി. 2016–17 സാമ്പത്തിക വർഷത്തിലെ 5,606 കോടി രൂപയുടെ അധിക എജിആർ സംബന്ധിച്ച ഹർജി പരിഗണിക്കുന്നത് സുപ്രീം കോടതി മാറ്റിവെച്ചതാണ് ഈ ഇടിവിന് കാരണം. ഹർജി പരിഗണിക്കുന്നതിലെ കാലതാമസം അനിശ്ചിതത്വം അനിശ്ചിതത്വം നീളാൻ കാരണമാകുന്നതാണ് കാരണം. ഒരു പരിഹാരത്തിനായി ശ്രമിക്കുന്നുണ്ടെന്ന് സർക്കാർ വ്യക്തമാക്കിയെങ്കിലും, വ്യക്തമായ ചിത്രം ലഭ്യമല്ലാത്തതിനാൽ നിക്ഷേപകർ ആശങ്കയിലാണ്.

മിഡ്-ഡേ ടെക്നിക്കൽ അനാലിസിസ്

നിഫ്റ്റി 50 ഇന്ന് ഗ്യാപ്-ഡൗൺ ഓപ്പണിങ്ങിലാണ് വ്യാപാരം ആരംഭിച്ചത്. തുടർന്ന്, സെഷനിലുടനീളം വിൽപ്പന സമ്മർദ്ദം നിലനിന്നു. നിലവിൽ, നിഫ്റ്റിക്ക് 25,149.20 എന്ന ലെവലിന് അടുത്താണ് ശക്തമായ സപ്പോർട്ട് (Support). ഇത് ശ്രദ്ധിക്കേണ്ട നിർണ്ണായക ലെവലാണ്.

നിഫ്റ്റി 25,250–25,300 എന്ന ലെവലിന് താഴെ വ്യാപാരം ചെയ്യുന്നിടത്തോളം കാലം വിൽപ്പന സമ്മർദ്ദം തുടരാനാണ് സാധ്യത. എന്നാലും, പ്രധാന സപ്പോർട്ട് ലെവലുകൾക്ക് അടുത്ത് ചില ചെറിയ ഇൻട്രാഡേ മുന്നേറ്റങ്ങളോ (Pullbacks) ഷോർട്ട് കവറിംഗ് ഗെയിനുകളോ കണ്ടേക്കാം.

ട്രേഡർമാർ ജാഗ്രത പാലിക്കണം. കർശനമായ സ്റ്റോപ്പ്-ലോസുകളുടെ അടിസ്ഥാനത്തിൽ വില ഉയരുമ്പോൾ വിൽക്കുക എന്ന സമീപനം നിലനിർത്താം.

വിപണി എങ്ങനെ?

ആഗോള വ്യാപാര സംഘർഷങ്ങൾ, വിദേശ നിക്ഷേപകർ നിക്ഷേപം പിൻവലിക്കുന്നത് (Foreign fund outflows), സമ്മിശ്ര വരുമാന പ്രതീക്ഷകൾ എന്നിവ കാരണം വിപണി വികാരം ദുർബലമായി (Fragile) തുടരുകയാണ്. അനലിസ്റ്റുകളുടെ അഭിപ്രായത്തിൽ, നിഫ്റ്റിക്ക് 25,100–25,150 ലെവലിൽ സപ്പോർട്ടും 25,350–25,400 ന് അടുത്ത് റെസിസ്റ്റൻസും ഉണ്ടാകും. സപ്പോർട്ട് ലെവലിന് താഴെയുള്ള സ്ഥിരമായ നീക്കം കൂടുതൽ ഇടിവിന് വഴിയൊരുക്കാം. അതേസമയം റെസിസ്റ്റൻസിന് മുകളിലുള്ള തിരിച്ചുവരവ് ഹ്രസ്വകാല ആശ്വാസത്തിനും കാരണമാകാം.