സ്വര്‍ണവിലയില്‍ നേരിയ വര്‍ധന

കൊച്ചി : സംസ്ഥാനത്ത് സ്വര്‍ണവിലയില്‍ നേരിയ വര്‍ധന. ഇന്ന് പവന് 80 രൂപ വര്‍ധിച്ച് 42,200 രൂപയായി. ഗ്രാമിന് 10 രൂപ വര്‍ധിച്ച് 5,275 രൂപയിലാണ് വ്യാപാരം നടക്കുന്നത് (22 കാരറ്റ്). ഇക്കഴിഞ്ഞ ശനിയാഴ്ച്ച പവന് 560 രൂപ കുറഞ്ഞ് 41,920 രൂപയായിരുന്നു. ഈ മാസം രണ്ട് രേഖപ്പെടുത്തിയ 42,880 രൂപ എന്ന നിരക്കാണ് പവന് ഇതുവരെയുള്ളതിലെ ഏറ്റവും റെക്കോര്‍ഡ് വില. ഇന്ന് 24 കാരറ്റ് സ്വര്‍ണം പവന് 88 രൂപ വര്‍ധിച്ച് 46,040 രൂപയായിട്ടുണ്ട്. ഗ്രാമിന് 11 രൂപ വര്‍ധിച്ച് 5,755 രൂപയാണ് വില.

ഇന്ന് വെള്ളി വില ഗ്രാമിന് 74 രൂപയും എട്ട് ഗ്രാമിന് 592 രൂപയുമാണ്. ഇന്ന് വ്യാപാരം ആരംഭിച്ചപ്പോള്‍ യുഎസ് ഡോളറിനെതിരെ രൂപയുടെ മൂല്യം 10 പൈസ വര്‍ധിച്ച് 82.66 ഡോളറായി. ഇന്റര്‍ബാങ്ക് ഫോറിന്‍ എക്‌സ്‌ചേഞ്ചില്‍ വ്യാപാരം ആരംഭിക്കുമ്പോള്‍ 82.68 എന്ന നിലയിലായിരുന്നു രൂപ. ഇന്ന് വ്യാപാരം ആരംഭിച്ചപ്പോള്‍ സെന്‍സെക്സ് 76.15 പോയിന്റ് ഉയര്‍ന്ന് 60,583.05 ലും, നിഫ്റ്റി 29.20 പോയിന്റ് ഉയര്‍ന്ന് 17,793.80 ലും എത്തി (രാവിലെ 9.27 പ്രകാരം). ബ്രെന്റ് ക്രൂഡ് വില ബാരലിന് 0.88 ശതമാനം വര്‍ധിച്ച് 81.70 യുഎസ് ഡോളറായിട്ടുണ്ട്.