മാറ്റമില്ലാതെ സ്വര്‍ണ വില, ഇടിവുമായി വെള്ളി

സംസ്ഥാനത്തെ സ്വര്‍ണ വില ഇന്ന് മാറ്റമില്ലാതെ തുടരുന്നു. തുടര്‍ച്ചയായ നാല് ദിവസങ്ങളിലെ ഇടിവിന് ശേഷം ശനിയാഴ്ച 22കാരറ്റ് ഗ്രാമിന് ഇന്ന് 10 രൂപ വര്‍ധിച്ച് 5455 രൂപയില്‍ എത്തിയിരുന്നു, ആ വില തുടരുകയാണ്. പവന് 43,640 രൂപയാണ് ഇന്നത്തെ വില. ഈ മാസം 3 ദിവസങ്ങളില്‍ മാത്രമാണ് സ്വര്‍ണ വില ഉയര്‍ന്നത്.

24 കാരറ്റ് സ്വര്‍ണം ഗ്രാമിന്‍റെ വിലയിലും ഇന്ന് മാറ്റമില്ല. ശനിയാഴ്ച വില 11 രൂപ വര്‍ധിച്ച് ഇടിഞ്ഞ് 5962 രൂപയിലെത്തിയിരുന്നു. 24 കാരറ്റ് പവന് 47,608 രൂപയാണ് വില. ഔണ്‍സിന് 1912.46 ഡോളര്‍ (ഓഗസ്റ്റ് 14, 10:46 എഎം) എന്ന തലത്തിലാണ് ആഗോള തലത്തില്‍ സ്വര്‍ണവില പുരോഗമിക്കുന്നത്. ഡോളര്‍ ശക്തിപ്രാപിച്ചതും ഫെഡ് റിസര്‍വ് ധനനയ സമിതി യോഗത്തിന്‍റെ മിനുറ്റ്സ് പുറത്തുവരുന്നതിന് മുമ്പ് നിക്ഷേപകര്‍ ജാഗ്രത പാലിക്കുന്നതുമാണ് ഇതിന് കാരണം.

മാര്‍ച്ച് അവസാനം മുതല്‍ മേയ് രണ്ടാം വാരം വരെയുള്ള കാലയളവില്‍ സ്വര്‍ണം വലിയ കുതിപ്പിന്റെ പാതയിലായിരുന്നു. എന്നാല്‍ തുടര്‍ന്നങ്ങോട്ട് വിലയില്‍ തുടര്‍ച്ചയായ ചാഞ്ചാട്ടവും ക്രമേണ ഇടിവും ഉണ്ടാകുകയായിരുന്നു. ജൂണില്‍ വെറും 7 ദിവസങ്ങളില്‍ മാത്രമാണ് സ്വര്‍ണ വിലയില്‍ വര്‍ധന രേഖപ്പെടുത്തിയത്. ജൂലൈയില്‍ പൊതുവേ ചാഞ്ചാട്ടമാണ് വിലയില്‍ കണ്ടത്.

സംസ്ഥാനത്തെ വെള്ളിവില ഇന്ന് ഇടിവ് രേഖപ്പെടുത്തി. ഗ്രാമിന് 20 പൈസയുടെ ഇടിവോടെ 76 രൂപയാണ് ഇന്നത്തെ വില. എട്ട് ഗ്രാം വെള്ളിക്ക് 608 രൂപ , 1.60 രൂപയുടെ ഇടിവ്. ഇന്ന് ഡോളറിനെതിരേ രൂപയുടെ മൂല്യം നേരിയ തോതില്‍ മെച്ചപ്പെട്ടിട്ടുണ്ട്. 1 ഡോളറിന് 82.97 രൂപ എന്ന നിലയാണ് ഇന്ന് കറന്‍സി വിനിമയം പുരോഗമിക്കുന്നത്.