സ്വർണ വിലയില്‍ ഇടിവ്

സംസ്ഥാനത്ത് ഇന്നലെ മാറ്റമില്ലാതെ തുടർന്ന സ്വര്‍ണവില ഇന്ന് ഇടിവ് പ്രകടമാക്കി. ഡോളർ ശക്തി പ്രാപിച്ചതിന്‍റെ ഫലമായി ആഗോള തലത്തില്‍ തന്നെ ഇടിവ് പ്രകടമാണ്. സംസ്ഥാനത്ത് 22 കാരറ്റ് സ്വര്‍ണം ഗ്രാമിന് 5,655 രൂപയാണ് ഇന്നത്തെ വില, ഇന്നലത്തേതില്‍ നിന്ന് 40 രൂപയുടെ കുറവ്. പവന് 45,240 രൂപയാണ്, 320 രൂപ കുറഞ്ഞു. 24 കാരറ്റ് സ്വർണം ഗ്രാമിന് 6,169 രൂപയാണ്, 44 രൂപ കുറഞ്ഞു. പവന് 49,352 രൂപയാണ്, 352 രൂപയാണ് കുറഞ്ഞത്.

വെള്ളി വിലയിൽ ഇന്ന് വലിയ കുറവാണ് ഇന്ന് ഉണ്ടായത്. ഗ്രാമിന് 78.70 രൂപയാണ് വില, ഇന്നലത്തെ വിലയില്‍ നിന്ന് 3.30 രൂപയുടെ ഇടിവ്. എട്ട് ഗ്രാമിന് 629.൬൦ രൂപയാണ്,ഇന്നലത്തെ വിലയില്‍ നിന്ന് 26.40 രൂപയുടെ ഇടിവ്. ഡോളറിനെതിരേ ഇന്ന് രൂപയുടെ മൂല്യം നേരിയ ഇടിവ് രേഖപ്പെടുത്തി, 1 ഡോളറിന് 82.20 രൂപ എന്ന നിരക്കിലാണ് വിനിമയം.

യുഎസില്‍ ബാങ്കിംഗ് പ്രതിസന്ധി ഇപ്പോഴും രൂക്ഷമായി തുടരുന്നതിന്‍റെയും ആഗോള തലത്തില്‍ മൂലധന വിപണികളില്‍ തുടരുന്ന അനിശ്ചിതാവസ്ഥകളുടെയും പശ്ചാത്തലത്തില്‍ സ്വർണവില ഹ്രസ്വകാലയളവില്‍ ഉയർന്നുതന്നെ നില്‍ക്കുമെന്നാണ് വിലയിരുത്തപ്പെടുന്നത്. എങ്കിലും ഫെഡ് റിസർവ് പ്രഖ്യാപനങ്ങളുടെ ഫലമായി ഡോളർ ശക്തിപ്രാപിക്കുന്ന സാഹചര്യത്തില്‍ ഇതില്‍ തിരുത്തലുകളുണ്ടായേക്കും.