Login 
പഠിക്കാം & സമ്പാദിക്കാം 
Home
12 Dec 2025 5:51 PM IST
Summary
ഫെഡറല് റിസര്വ് അടുത്ത വര്ഷം പലിശ നിരക്കുകള് കുറയ്ക്കുമെന്ന സൂചന സ്വര്ണവില ഉയര്ത്തുന്നു
ആഗോള വിപണിയില് വീണ്ടും കുതിച്ച് സ്വര്ണവും വെള്ളിയും. ഫെഡ് നിരക്ക് കുറയ്ക്കല് വിലയെ സ്വാധീനിച്ചെന്ന് വിലയിരുത്തല്. യുഎസ് ഫെഡറല് റിസര്വ് അടുത്ത വര്ഷം പലിശ നിരക്കുകള് കുറയ്ക്കുമെന്ന സൂചനകള് നല്കിയതാണ് സ്വര്ണത്തിനും വെള്ളിയ്ക്കും കരുത്തായത്.
പലിശ ലഭിക്കാത്ത ആസ്തികളാണ് സ്വര്ണവും വെള്ളിയും. പലിശ നിരക്കുകള് കുറയുമ്പോള്, ബോണ്ടുകള്, ബാങ്ക് നിക്ഷേപങ്ങള് എന്നിവയുടെ ആകര്ഷണീയത കുറയുകയും നിക്ഷേപകര് സുരക്ഷിത ആസ്തികളായ സ്വര്ണത്തിലേക്ക് തിരിയുകയും ചെയ്യും. ദുര്ബലമാകുന്ന ഡോളറിന്റെ മൂല്യവും വില ഉയരാനുള്ള കാരണമാണ്.
സ്വര്ണം, വെള്ളി തുടങ്ങിയ ആഗോള കമ്മോഡിറ്റികളുടെ വില ഡോളറിലാണ് നിശ്ചയിക്കുന്നത്. ഡോളര് ഇന്ഡക്സ് തുടര്ച്ചയായി മൂന്നാം വാരവും ദുര്ബലമാകുമ്പോള്, മറ്റ് രാജ്യങ്ങളിലെ നിക്ഷേപകര്ക്ക് സ്വര്ണവും വെള്ളിയും കുറഞ്ഞ വിലയില് വാങ്ങാന് സാധിക്കുന്നത് ഡിമാന്ഡ് വര്ദ്ധിപ്പിച്ചു.വെള്ളിയുടെ ഇരട്ട വ്യക്തിത്വവും അനുകൂല ഘടകമായെന്ന് വിദഗ്ധര് വ്യക്തമാക്കി. വെള്ളി വെറുമൊരു നിക്ഷേപ ആസ്തി മാത്രമല്ല; വ്യവസായ ആവശ്യങ്ങള്ക്കും ഇത് നിര്ണായകമാണ്.
യുഎസിന്റെ ക്രിട്ടിക്കല് മിനറല്സ് ലിസ്റ്റില് വെള്ളി ഇടംപിടിച്ചതും ഡിമാന്ഡ് കുത്തനെ ഉയര്ത്തി. അതേസമയം, രൂപയുടെ മൂല്യം കുറയുന്നത് ഇന്ത്യയില് സ്വര്ണ വില ഉയര്ത്തി നിര്ത്താന് കാരണമാകും എന്ന് മെഹ്ത ഇക്വിറ്റീസിലെ വിദഗ്ധര് വ്യക്തമാക്കി. ഫെഡ് റിസര്വിന്റെ അടുത്ത ആഴ്ച പുറത്തുവരുന്ന യുഎസ് തൊഴില് റിപ്പോര്ട്ടുകള് ഈ വിലക്കയറ്റത്തിന്റെ അടുത്ത ഗതി നിര്ണയിക്കുന്നതില് പ്രധാന പങ്ക് വഹിക്കുമെന്നും അവര് ചൂണ്ടികാട്ടി.