സ്വർണ വിലയിൽ ഇടിവ് തുടരുന്നു

സ്വർണ വിലയിൽ ഇന്നും ഇടിവ്. പവന് 91720 രൂപയായി വില കുറഞ്ഞു. ഗ്രാമിന് 11,465 രൂപയാണ് വില. രാജ്യാന്തര വിപണിയിൽ ട്രോയ് ഔൺസിന് 4090 രൂപയിലാണ് വില. ഒക്ടോബർ 21ന് രാവിലെ ഈ മാസത്തെ ഏറ്റവും ഉയർന്ന നിരക്കിലായിരുന്നു സ്വർണ വില.എന്നാൽ ഉച്ച കഴിഞ്ഞ് സ്വർണ വില ഇടിഞ്ഞിരുന്നു. മൂന്ന് ദിവസം കൊണ്ട് സ്വർണ വിലയിൽ പവന് 5640 രൂപയുടെ കുറവ്.

രാജ്യാന്തര വിപണിയിൽ സ്വർണ വില കുറഞ്ഞതാണ് ആഭ്യന്തര വിപണിയിലും പ്രതിഫലിച്ചത്. യുഎസ് ഡോളർ കരുത്താർജിച്ചതും സ്വർണത്തിന് മങ്ങലേൽപ്പിച്ചു. നിക്ഷേപകർ സ്വർണത്തിലെ ലാഭം ബുക്ക് ചെയ്ത് തുടങ്ങിയതും സ്വർണ വില ഇടിയാൻ കാരണമായിരുന്നു. ഒക്ടോബർ 17നും സ്വർണ വില റെക്കോഡ് നിലവാരമായ 97360 രൂപയിലേക്ക് എത്തിയിരുന്നു.