ഇന്നും കൂടി സ്വര്‍ണ വില; വെള്ളി മാറ്റമില്ലാതെ തുടരുന്നു

സ്വര്‍ണ വിലയില്‍ ഇന്നും വര്‍ധന. ഈ ആഴ്ച്ച അവസാനിക്കുമ്പോള്‍ സ്വര്‍ണ വില ഉയര്‍ന്നു തന്നെയാണ്. സംസ്ഥാനത്ത് ഇന്ന് 22 കാരറ്റ് സ്വര്‍ണ വില ഗ്രാമിന് 10 രൂപ വര്‍ധിച്ച് 5780 രൂപയായി. പവന് 80 രൂപ വര്‍ധിച്ച് 46240 രൂപയുമായി.

24 കാരറ്റ് സ്വര്‍ണ വില ഗ്രാമിന് 6,305 രൂപയായി. പവന് 50,440 രൂപയുമായി. അന്താരാഷ്ട്ര വിപണിയിലും സ്വര്‍ണ വില ട്രോയ് ഔണ്‍സിന് 2,029 ഡോളറിലാണ് വ്യാപാരം പുരോഗമിക്കുന്നത്.

വെള്ളി വിലയില്‍ മാറ്റമില്ല. ഗ്രാമിന് 77 രൂപയായി തുടരുന്നു.

ബ്രെന്റ് ക്രൂഡോയില്‍ വില ബാരലിന് 79 ഡോളറാണ്.

ഡോളറിനെതിരെ 83.12 ലാണ് രൂപയുടെ വ്യാപാരം പുരോഗമിക്കുന്നത്.