16 Nov 2026 10:50 AM IST
സ്വര്ണവില കൂപ്പുകുത്തി; നിരക്ക് ഒരു ലക്ഷത്തിന് താഴേക്ക്, ഇനി കുറയുമോ? എപ്പോള് വാങ്ങാം?
MyFin Desk
Summary
യുഎസ് ഫെഡ് പലിശ നിരക്ക് വീണ്ടും ഉയര്ത്തിയാല് വില ഇനിയും ഇടിയുമെന്നാണ് വിദഗ്ധരുടെ അഭിപ്രായം
ആഭരണപ്രേമികള് കാത്തിരുന്ന ആ നിമിഷം അടുത്തെത്തി! സംസ്ഥാനത്ത് സ്വര്ണവില വീണ്ടും ഇടിഞ്ഞു. ഇന്ന് ഗ്രാമിന് 75 രൂപയും പവന് 600 രൂപയും കുറഞ്ഞു. ഇതോടെ ഗ്രാമിന് 12,540 രൂപയും, പവന് 1,00,320 രൂപയുമായി. ഇനി വെറും 320 രൂപ കൂടി കുറഞ്ഞാല് പൊന്ന് ഒരു ലക്ഷത്തിലെത്തും! കഴിഞ്ഞ 10 ദിവസത്തിനിടെ മാത്രം പവന് ഏകദേശം 7,000 രൂപയാണ് കുറഞ്ഞത്. തുടര്ച്ചയായ ഇടിവിന് ഒടുവില് ശനിയാഴ്ച മാത്രമാണ് പവന് 200 രൂപ കൂടിയത്, പിന്നെ വീണ്ടും ഇടിവ് തുടങ്ങി.
മറ്റ് വിലകള് നോക്കാം - 18 കാരറ്റ് സ്വര്ണം ഗ്രാമിന് 60 രൂപ കുറഞ്ഞ് 10,265 രൂപയായി. വെള്ളിയും പിന്നോട്ടില്ല, ഗ്രാമിന് 5 രൂപ കുറഞ്ഞ് 190 രൂപയിലെത്തി. പൊന്നിനെ ഇങ്ങനെ താഴ്ത്തുന്നതില് ഡോളറിന്റെ കുതിപ്പ് തന്നെയാണ്. ഡോളര് ശക്തമായതോടെ അന്താരാഷ്ട്ര വിപണിയില് സ്വര്ണവില ഇടിഞ്ഞു, അത് കേരളത്തിലും പ്രതിഫലിച്ചു. ക്രൂഡ് ഓയില് വിലക്കയറ്റവും പണപ്പെരുപ്പ ആശങ്കയും കൂടി വിപണിയെ പിടിച്ചുലച്ചു. ഇതിനിടെ യുഎസ് ഫെഡ് പലിശ നിരക്ക് വീണ്ടും ഉയര്ത്തിയാല് വില ഇനിയും ഇടിയുമെന്നാണ് വിദഗ്ധര് പറയുന്നത്.
ഇന്ന് ഒരു പവന് ആഭരണം വാങ്ങാന് ഏറ്റവും കുറഞ്ഞത് 5% പണിക്കൂലിയും ജിഎസ്ടി ഉള്പ്പെടെ 1,08,500 രൂപയോളം വേണം. പണിക്കൂലി കൂടുതലുള്ള ഡിസൈനുകള്ക്ക് ഇത് ഇനിയും കൂടും. വില ലക്ഷത്തിന് താഴെ എത്തുമെന്ന പ്രതീക്ഷ ശക്തമായതോടെ പലരും വാങ്ങാന് കാത്തിരിക്കുകയാണ്. എന്നാല് വിവാഹ സീസണ് അടുത്തതിനാല് വില ഇനിയും കൂടുതല് താഴുമോ അതോ തിരിച്ചു കയറുമോ എന്ന് കണ്ടറിയണം. ഒരു കാര്യം ഉറപ്പ് - സ്വര്ണം വാങ്ങാന് ഇതിലും നല്ല സമയം അടുത്തൊന്നും വന്നിട്ടില്ല!
പഠിക്കാം & സമ്പാദിക്കാം
Home
