ഇന്നും മുന്നേറി സ്വര്‍ണ വില

സംസ്ഥാനത്തെ സ്വര്‍ണ വിലയില്‍ തുടര്‍ച്ചയായ നാലാം ദിവസവും മുന്നേറ്റം. 22 കാരറ്റ് ഗ്രാമിന് തിങ്കളാഴ്ചയും ചൊവ്വാഴ്ചയും 5 രൂപയുടെ വീതം വര്‍ധനയാണ് ഉണ്ടായത് എങ്കില്‍ ബുധനാഴ്ച ഉണ്ടായത് 10 രൂപയുടെ വര്‍ധന. ഇന്ന് 20 രൂപയുടെ വര്‍ധനയോടെ 5450 രൂപയാണ് വില. പവന് ഇന്ന് 43,600 രൂപ, 160 രൂപയുടെ വര്‍ധന. കഴിഞ്ഞ നാലു ദിവസങ്ങളിലായി മൊത്തം 320 രൂപയുടെ വര്‍ധനയാണ് പവന് ഉണ്ടായത്. ഈ മാസം 7 ദിവസങ്ങളില്‍ മാത്രമാണ് സ്വര്‍ണ വില ഉയര്‍ന്നത്.

24 കാരറ്റ് സ്വര്‍ണം ഗ്രാമിന്‍റെ വിലയില്‍ ഇന്ന് 22 രൂപയുടെ വര്‍ധനയാണ് ഉണ്ടായത്. 5945 രൂപയാണ് ഇന്നത്തെ വില. പവന് 47,560 രൂപ, 176 രൂപയുടെ വര്‍ധന. ആഗോള തലത്തിലും സ്വര്‍ണവില കാര്യമായ മുന്നേറ്റം പ്രകടമാക്കി. ഔണ്‍സിന് 1920.87 (ഇന്ത്യന്‍ സമയം 10:59ന്) എന്ന തലത്തിലാണ് ആഗോള തലത്തില്‍ സ്വര്‍ണവില പുരോഗമിക്കുന്നത്.

മാര്‍ച്ച് അവസാനം മുതല്‍ മേയ് രണ്ടാം വാരം വരെയുള്ള കാലയളവില്‍ സ്വര്‍ണം വലിയ കുതിപ്പിന്റെ പാതയിലായിരുന്നു. എന്നാല്‍ തുടര്‍ന്നങ്ങോട്ട് വിലയില്‍ തുടര്‍ച്ചയായ ചാഞ്ചാട്ടവും ക്രമേണ ഇടിവും ഉണ്ടാകുകയായിരുന്നു. ജൂണില്‍ വെറും 7 ദിവസങ്ങളില്‍ മാത്രമാണ് സ്വര്‍ണ വിലയില്‍ വര്‍ധന രേഖപ്പെടുത്തിയത്. ജൂലൈയില്‍ പൊതുവേ ചാഞ്ചാട്ടമാണ് വിലയില്‍ കണ്ടത്. ഓഗസ്റ്റില്‍ വീണ്ടും ഇടിവ് പ്രകടമാകുന്നതിലേക്ക് നീങ്ങി.

സംസ്ഥാനത്തെ വെള്ളിവിലയിലും ഇന്ന് വര്‍ധനയുണ്ടായി. ഒരു ഗ്രാം വെള്ളിയുടെ വില 1.50 രൂപയുടെ വര്‍ധനയോടെ 80 രൂപയില്‍ എത്തി. എട്ട് ഗ്രാം വെള്ളിക്ക് 640 രൂപ. ഡോളറിനെതിരേ രൂപയുടെ മൂല്യം ഇന്നും മെച്ചപ്പെട്ടു. ഡോളറിന് 82.49 രൂപ എന്ന നിലയാണ് വിനിമയം.