ഫെഡ് പലിശ നിരക്ക് ഇന്ന്; സ്വര്‍ണവില കുതിക്കുന്നു, എണ്ണയില്‍ത്തെന്നുമോ പൊന്ന്?

സ്വര്‍ണവില സംസ്ഥാനത്ത് വീണ്ടും ഉയര്‍ന്നു. ഒരു ഗ്രാമിന് 60 രൂപയും ഒരു പവന് 480 രൂപയുമാണ് വര്‍ദ്ധിച്ചത്. ഇതോടെ ഇന്ന് ഒരു ഗ്രാം സ്വര്‍ണം 13,195 രൂപയ്ക്കും ഒരു പവന്‍ 1,05,560 രൂപയ്ക്കും വ്യാപാരം നടക്കുന്നു. 18 കാരറ്റ് സ്വര്‍ണത്തിന്റെ വില 50 രൂപ വര്‍ദ്ധിച്ച് ഗ്രാമിന് 10,800 രൂപയാണ്. എന്നാല്‍ വെള്ളിയുടെ വിലയില്‍ മാറ്റമില്ല; ഗ്രാമിന് 220 രൂപയില്‍ തുടരുന്നു.

സ്വര്‍ണവിലയിലെ കുതിച്ചുയരലിന് പിന്നില്‍ അന്താരാഷ്ട്ര വിപണിയിലെ സങ്കീര്‍ണതകളാണ്. യുഎസ് ഫെഡറല്‍ റിസര്‍വ് ഇന്ന് പലിശനിരക്ക് പ്രഖ്യാപിക്കുമെന്നതും നിരക്കില്‍ മാറ്റം വരാനുള്ള സാധ്യത കുറവാണെന്ന പ്രതീക്ഷയും നിക്ഷേപകരെ സ്വര്‍ണത്തിലേക്ക് ആകര്‍ഷിക്കുന്നു. ഡോളറിന്റെ ശക്തി, എണ്ണവിലയിലെ വ്യതിയാനങ്ങള്‍ എന്നിവയും ലോക സ്വര്‍ണവിപണിയെ സ്വാധീനിക്കുന്ന ഘടകങ്ങളാണ്.

അന്താരാഷ്ട്ര തലത്തില്‍ സ്വര്‍ണത്തിന് അനുകൂലമായ പ്രവണതകള്‍ തുടരുന്നതിനാലാണ് പ്രാദേശിക വിപണിയിലും വില ഉയരുന്നത്. ഇസ്രയേലിലെ തെരഞ്ഞെടുപ്പ് ഫലങ്ങള്‍ ഉള്‍പ്പെടെയുള്ള ഭൗമരാഷ്ട്രീയ സാഹചര്യങ്ങളും നിക്ഷേപകരുടെ സുരക്ഷിത നിക്ഷേപത്തിനുള്ള താല്‍പര്യം വര്‍ധിപ്പിക്കുന്നു. ഇതിനാല്‍ അടുത്ത ദിവസങ്ങളിലും സ്വര്‍ണവിലയില്‍ കുത്തനെയുള്ള മാറ്റങ്ങള്‍ ഉണ്ടാകാന്‍ സാധ്യതയുണ്ടെന്നാണ് വിപണി നിരീക്ഷകര്‍ പറയുന്നത്. ഇന്ന് ഒരു പവന്‍ ആഭരണം വാങ്ങുന്നതിന് ഏറ്റവും കുറഞ്ഞത് 5 ശതമാനം പണിക്കൂലിയും മറ്റ് നികുതികളും കൂട്ടിച്ചേര്‍ത്താല്‍ 1,13,800 രൂപയുടെ മുകളില്‍ നല്‍കേണ്ടിവരും.