ചാഞ്ചാടി സ്വർണ വില; ഇന്ന് ഇടിവ്

സംസ്ഥാനത്ത് സ്വർണ വില കുറഞ്ഞു. ഒരു പവൻ സ്വർണത്തിന് 92040 രൂപയാണ് വില. ഒരു ഗ്രാമിന് 11505 രൂപയും. രാജ്യാന്തര വിപണിയിൽ ട്രോയ് ഔൺസിന് 4107 ഡോളറാണ് വില. നവംബർ ഒന്ന്,രണ്ട് തിയതികളിൽ പവന് 90200 രൂപയായിരുന്നു. നവംബർ 11 ന് രാവിലെ പവന് 92600 രൂപയിലേക്ക് വില ഉയർന്ന ശേഷമാണ് സ്വർണ വിലയിലെ ഇടിവ്. കഴിഞ്ഞ മാസം സ്വർണ വില സർവകാല റെക്കോഡിലെത്തിയിരുന്നു. ഒരു പവൻ സ്വർണത്തിന് 97360 രൂപ വരെയായി സ്വർണ വില ഉയർന്നു. പിന്നീട് ഏറ്റവും ഉയർന്ന നിരക്കിൽ നിന്ന് വില ഇടിയുകയായിരുന്നു.

ആഗോള വിപണിയിലെ അനിശ്ചിതത്വങ്ങളും ഡോളറിൻ്റെ മൂല്യം ഇടിവുമൊക്കെയാണ് സ്വർണത്തിന് ആകർഷണം നൽകിയത്. അനിശ്ചിതത്വ സമയങ്ങളിൽ നിക്ഷേപകർ സുരക്ഷിതമായ ആസ്തി എന്ന നിലയിൽ സ്വർണത്തിലേക്ക് തിരിയുന്നത് സ്വർണത്തിന് മൂല്യം കൂട്ടും. സ്വർണത്തിൻ്റെ മുന്നേറ്റത്തിൽ താൽക്കാലിക കറക്ഷൻ ഉണ്ടാകാമെങ്കിലും സ്വർണ വില ഉയരാമെന്ന് നിരീക്ഷകർ ചൂണ്ടിക്കാട്ടുന്നു.