സ്വർണ വില വീണ്ടും പവന് 90,000 രൂപ കടന്നു

സംസ്ഥാനത്ത് സ്വർണ വില കുത്തനെ ഉയർന്നു. ഒരു പവൻ സ്വർണത്തിന് 90360 രൂപയാണ് വില.ഗ്രാമിന് 11295 രൂപയും. രാജ്യാന്തര വിപണിയിൽ ട്രോയ് ഔൺസിന് 4053 ഡോളറായി വില ഉയർന്നു. രാജ്യാന്തര വിപണിയിൽ വില ഉയർന്നതാണ് ആഭ്യന്തര വിപണിയിലും വില ഉയരാൻ കാരണം. നവംബർ ഒന്ന്,രണ്ട് തിയതികളിൽ പവന് 90360 രൂപയായിരുന്നു വില. ഗ്രാമിന് 11295 രൂപയും. പിന്നീട് വില ഇടിഞ്ഞിരുന്നു.

ഒക്ടോബറിൽ സ്വർണ വില കുത്തനെ ഉയർന്നിരുന്നു. ഒരു പവൻ സ്വർണത്തിന് 97360 രൂപയായിരുന്നു വില. സംസ്ഥാനത്തെ ഏറ്റവും ഉയർന്ന നിരക്കാണ് ഇത്. എന്നാൽ പിന്നീട് ഡോളർ കരുത്താർജിച്ചതും ആഗോള വിപണികൾ തിരിച്ചുവരുന്നതിൻ്റെ സൂചനകളും സ്വർണത്തിന് മങ്ങലേൽപ്പിച്ചു. ഏറ്റവും ഉയർന്ന നിലയിൽ നിന്ന് സ്വർണ വില ഇടിയുകയായിരുന്നു. എന്നാൽ കഴിഞ്ഞ ആഴ്ച അവസാനത്തോടെ ട്രോയ് ഔൺസിന് 4000 ഡോളറിനടുത്തേക്ക് നീങ്ങിയ സ്വർണ വില വീണ്ടും 4000 ഡോളർ മറികടന്നിരിക്കുകയാണ്.