സ്വർണ വിലയിൽ ഇടിവ്

സംസ്ഥാനത്ത് സ്വർണ വിലയിൽ നേരിയ കുറവ്. പവന് 91640 രൂപയാണ് വില. ഗ്രാമിന് 11455 രൂപയും. രാജ്യാന്തര വിപണിയിൽ ട്രോയ് ഔൺസിന് 4082 ഡോളറാണ് വില. നവംബർ 13 നാണ് ഈ മാസത്തെ ഏറ്റവും ഉയർന്ന നിരക്കിൽ സ്വർണ വില എത്തിയത്. പവന് 94320 രൂപയാ യിരുന്നു വില. ഗ്രാമിന് 11455 രൂപയായി ആ സമയത്ത് വില ഉയർന്നിരുന്നു.

എന്നാൽ ഡോളർ കരുത്താർജിച്ചതും ഓഹരി വിപണിയുടെ മുന്നേറ്റവും സ്വർണത്തിന് മങ്ങലേൽപ്പിച്ചു. ഈ മാസത്തെ ഏറ്റവും ഉയർന്ന നിരക്കിൽ നിന്ന് ഇതുവരെ പവന് 2680 രൂപയുടെ കുറവ്. കഴിഞ്ഞ മാസം സ്വർണ വില സർവകാല റെക്കോഡിലായിരുന്നു. ഒരു പവൻ സ്വർണത്തിന് 97320 രൂപയിലേക്ക് വില കുതിച്ചിരുന്നു. ഗ്രാമിന് 12170 രൂപയായി വില കുതിച്ചതിന് ശേഷമാണ് സ്വർണ വില ഇടിഞ്ഞു തുടങ്ങിയത്. അതേസമയം താൽക്കാലികമായി വില ഇടിഞ്ഞാലും സ്വർണം തിളങ്ങുമെന്ന് അനലിസ്റ്റുകൾ സൂചിപ്പിക്കുന്നു.