ഇന്ന് സ്വർണ വില കയറി

സംസ്ഥാനത്തെ സ്വര്‍ണവില ഇന്ന് ഉയര്‍ന്നു. അഞ്ചു ദിവസങ്ങള്‍ക്കു ശേഷമാണ് വിലയില്‍ ഉയര്‍ച്ചയുണ്ടാകുന്നത്. ഇന്ന് 22 കാരറ്റ് സ്വര്‍ണം ഗ്രാമിന്‍റെ വില 20 രൂപയുടെ വര്‍ധനയോടെ 5470 രൂപയില്‍ എത്തി. പവന് 43,760 രൂപ , 160 രൂപയുടെ വര്‍ധന. ഈ മാസം ഇതുവരെ 5 ദിവസങ്ങളില്‍ മാത്രമാണ് വില ഉയര്‍ന്നത്.

ഇന്ന് 24 കാരറ്റ് സ്വര്‍ണം ഗ്രാമിന്‍റെ വിലയില്‍ 22 രൂപയുടെ വര്‍ധനയോടെ, 5967 രൂപയിലെത്തി. പവന് 47,736 രൂപ, 176 രൂപയുടെ വര്‍ധന. ആഗോള തലത്തില്‍ ഔണ്‍സിന് 1909-1917 ഡോളര്‍ എന്ന തലത്തിലാണ് വ്യാപാരം പുരോഗമിക്കുന്നത്. മാര്‍ച്ച് അവസാനം മുതല്‍ മേയ് രണ്ടാം വാരം വരെയുള്ള കാലയളവില്‍ സ്വര്‍ണം വലിയ കുതിപ്പിന്‍റെ പാതയിലായിരുന്നു. എന്നാല്‍ തുടര്‍ന്നങ്ങോട്ട് വിലയില്‍ തുടര്‍ച്ചയായ ചാഞ്ചാട്ടവും ക്രമേണ ഇടിവും ഉണ്ടാകുകയായിരുന്നു. ജൂണില്‍ വെറും 7 ദിവസങ്ങളില്‍ മാത്രമാണ് സ്വര്‍ണ വിലയില്‍ വര്‍ധന രേഖപ്പെടുത്തിയത്. ജൂലൈയിലും ഓഗസ്റ്റിലും പൊതുവേ ചാഞ്ചാട്ടമാണ് വിലയില്‍ കണ്ടത്.

സംസ്ഥാനത്തെ വെള്ളിവിലയിലും ഇന്ന് ഉയര്‍ച്ചയുണ്ടായി. ഒരു ഗ്രാം വെള്ളിയുടെ വില ഇന്ന് 50 പൈസയുടെ വര്‍ധനയോടെ 77.50 രൂപയാണ്. എട്ട് ഗ്രാം വെള്ളിക്ക് 620 രൂപ. ഇന്ന് ഡോളറിന് എതിരേ രൂപയുടെ മൂല്യം ഇടിഞ്ഞു. 1 ഡോളറിന് 83.07 രൂപ എന്ന നിലയാണ് കറന്‍സി വിനിമയം നടക്കുന്നത്.